ગુજરાત / ઉમરગામમાં 24 કલાકમાં 43 ઈંચ વરસાદ,એરફોર્સ અને કોસ્ટગાર્ડ ને એલર્ટ, અત્યાર સુધીમાં એક વ્યક્તિનું મોત

વરસાદની સ્થિતિને જોતા ગઈકાલથી જ NDRFની ટીમો તૈનાત કરવામાં આવી હતી. જેમ જેમ વરસાદનું જોર વધ્યું તેમ રેસ્ક્યૂ ટીમોને પણ વિવિધ વિસ્તારોમાં મોબિલાઈઝ કરવામાં આવી હતી. SDRFની ટીમોએ પણ બચાવ કામગીરીમાં જોડાઈને અત્યાર સુધીમાં 1200 લોકોને સુરક્ષિત રીતે રેસ્ક્યૂ કર્યા છે.

સુરત શહેરમાં પણ ભારે વરસાદ અને પાણી ભરાવાની સ્થિતિને ધ્યાનમાં રાખીને 1500 લોકોને સુરક્ષિત સ્થળોએ ખસેડવામાં આવ્યા છે. સુરત જિલ્લામાં હાલમાં NDRFની 3 ટીમો તૈનાત છે, જ્યારે વલસાડમાં 2 ટીમો રેસ્ક્યૂ ઓપરેશનમાં લાગી છે. વલસાડમાં વધુ એક NDRF ટીમ મોકલવામાં આવી રહી છે.

ઉપરાંત એરફોર્સ અને કોસ્ટગાર્ડને પણ એલર્ટ

રાજ્યમાં ભારે વરસાદની સ્થિતિ વચ્ચે અમરેલી, જૂનાગઢ અને ભાવનગરમાં NDRFની ટીમોને સ્ટેન્ડબાય રાખવામાં આવી છે. કોઈપણ ઇમરજન્સી સ્થિતિમાં એરલિફ્ટિંગ કરી શકાય તે માટે પણ તૈયારીઓ કરવામાં આવી છે. આ ઉપરાંત એરફોર્સ અને કોસ્ટગાર્ડને પણ એલર્ટ પર રાખવામાં આવ્યા છે.

મોનિટરિંગ અને સંકલન કરવામાં આવી રહ્યું

દક્ષિણ ગુજરાતમાં વરસાદની સ્થિતિને લઈને મુખ્યમંત્રી ભૂપેન્દ્ર પટેલ અને નાયબ મુખ્યમંત્રીએ પ્રભારી સચિવોને અસરગ્રસ્ત જિલ્લાઓમાં મોકલ્યા છે. ભૂતકાળમાં આવી કુદરતી આફતો દરમિયાન કામગીરી કરી ચૂકેલા અધિકારીઓને પણ મેદાનમાં તૈનાત કરવામાં આવ્યા છે. સમગ્ર સ્થિતિનું SEOC ગાંધીનગરથી સતત મોનિટરિંગ અને સંકલન કરવામાં આવી રહ્યું છે.

પરિવહન વ્યવસ્થા પર પણ પડી

ભારે વરસાદની અસર પરિવહન વ્યવસ્થા પર પણ પડી છે. રાજ્યમાં 200 જેટલી ST બસની ટ્રીપ બંધ કરવામાં આવી છે. બીજી તરફ, તાપી જિલ્લામાં પાણીમાં ડૂબી જવાથી એક વ્યક્તિનું મોત થયું હોવાનું પણ સામે આવ્યું છે.

ગુજરાતમાં ભારે વરસાદની સ્થિતિની સમીક્ષા

દરમિયાન કેન્દ્રીય ગૃહમંત્રી અમિત શાહે ગુજરાતમાં ભારે વરસાદની સ્થિતિની સમીક્ષા કરી છે. તેમણે મુખ્યમંત્રી ભૂપેન્દ્ર પટેલ સાથે ટેલિફોનિક વાતચીત કરીને દક્ષિણ ગુજરાતની સ્થિતિ અંગે માહિતી મેળવી હતી. આ સાથે અમદાવાદની સ્થિતિ અંગે પણ તેમણે સમીક્ષા કરી હતી.

આ પણ વાંચો : વાપીમાં 17 ઈંચ વરસાદ, ઓરંગા નદીમાં પૂર, મધુબન ડેમના 10 દરવાજા ખોલાયા, 365 રસ્તા બંધ

હાલ તંત્રની નજર ખાસ કરીને દક્ષિણ ગુજરાતના અસરગ્રસ્ત વિસ્તારો પર છે. NDRF, SDRF સહિતની ટીમો રેસ્ક્યૂ કામગીરીમાં લાગી છે અને જરૂરિયાત મુજબ વધુ ટીમોને પણ સ્થળ પર મોકલવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ