બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / આગામી 4 દિવસ ગુજરાત માટે 'અતિ ભારે'! અહીં તો રેડ-ઓરેન્જ એલર્ટ, જુઓ Map ફોટોઝ
8 ફોટો ગેલેરી
Last Updated: 12:31 PM, 23 July 2026
FOLLOW ON
શેર કરો
1/8
ગુજરાતમાં ચોમાસું ફરી એકવાર સક્રિય બનતાં ભારત હવામાન વિભાગ (IMD) દ્વારા 22 જુલાઈથી 27 જુલાઈ 2026 સુધીની જિલ્લાવાર વરસાદની આગાહી જાહેર કરવામાં આવી છે. જાહેર કરાયેલા નકશા અનુસાર શરૂઆતના દિવસોમાં રાજ્યના પૂર્વ અને દક્ષિણ ગુજરાતમાં ભારેથી અતિભારે વરસાદની શક્યતા દર્શાવવામાં આવી છે. ત્યારબાદ ચોથા દિવસથી વરસાદની તીવ્રતામાં ઘટાડો થવાની સંભાવના વ્યક્ત કરવામાં આવી છે. હવામાન વિભાગે જિલ્લાવાર ગ્રીન, યલો, ઓરેન્જ અને રેડ એલર્ટ જાહેર કરીને લોકોને જરૂરી સાવચેતી રાખવા અપીલ કરી છે.
આ તસવીર શેર કરો
2/8
પ્રથમ દિવસની આગાહી અનુસાર નર્મદા, તાપી, ડાંગ, નવસારી, વલસાડ અને દમણ-દાદરા નગર હવેલી વિસ્તાર માટે રેડ એલર્ટ જાહેર કરવામાં આવ્યું છે, જ્યાં ભારેથી અતિભારે વરસાદની શક્યતા છે. જ્યારે દાહોદ, છોટાઉદેપુર, મહિસાગર, પંચમહાલ, વડોદરા અને આસપાસના વિસ્તારો માટે ઓરેન્જ એલર્ટ જાહેર કરવામાં આવ્યું છે. અમદાવાદ, ગાંધીનગર, ખેડા, આણંદ, ભરૂચ, ભાવનગર અને અમરેલી સહિતના જિલ્લાઓ માટે યલો એલર્ટ આપવામાં આવ્યું છે. સૌરાષ્ટ્ર અને કચ્છના મોટા ભાગના જિલ્લાઓ ગ્રીન ઝોનમાં દર્શાવવામાં આવ્યા છે.
આ તસવીર શેર કરો
3/8
બીજા દિવસની આગાહીમાં દાહોદ જિલ્લામાં રેડ એલર્ટ યથાવત રાખવામાં આવ્યું છે. જ્યારે મહિસાગર, પંચમહાલ, છોટાઉદેપુર, નર્મદા, વડોદરા, સુરત, નવસારી, વલસાડ, ડાંગ, તાપી અને દમણ-દાદરા નગર હવેલી વિસ્તારમાં ઓરેન્જ એલર્ટ જાહેર કરવામાં આવ્યું છે. અમદાવાદ, ગાંધીનગર, ખેડા, આણંદ, ભરૂચ, ભાવનગર અને અમરેલી સહિતના જિલ્લાઓમાં યલો એલર્ટ યથાવત છે. પશ્ચિમ ગુજરાત અને સૌરાષ્ટ્રના મોટા ભાગના જિલ્લાઓમાં સામાન્ય વરસાદની સંભાવના દર્શાવવામાં આવી છે.
આ તસવીર શેર કરો
4/8
ત્રીજા દિવસના નકશા મુજબ દાહોદ જિલ્લામાં ફરી રેડ એલર્ટ આપવામાં આવ્યું છે. મહિસાગર, પંચમહાલ, અરવલ્લી, સાબરકાંઠા અને આસપાસના જિલ્લાઓમાં ઓરેન્જ એલર્ટ જાહેર કરવામાં આવ્યું છે. અમદાવાદ, ગાંધીનગર, ખેડા, આણંદ, વડોદરા, ભરૂચ, સુરત, નવસારી, વલસાડ, ડાંગ અને તાપી સહિતના વિસ્તારોમાં યલો એલર્ટ યથાવત છે. સૌરાષ્ટ્ર અને કચ્છના મોટા ભાગના વિસ્તારોમાં ગ્રીન ઝોન જાળવી રાખવામાં આવ્યો છે.
આ તસવીર શેર કરો
5/8
25 જુલાઈની આગાહી મુજબ રાજ્યના મોટા ભાગના જિલ્લાઓ ગ્રીન ઝોનમાં આવી જાય છે. માત્ર બનાસકાંઠા, સાબરકાંઠા, અરવલ્લી અને મહિસાગર સહિતના ઉત્તર-પૂર્વ વિસ્તારોમાં ઓરેન્જ એલર્ટ જોવા મળે છે, જ્યારે કેટલાક જિલ્લાઓમાં યલો એલર્ટ રહેશે.
આ તસવીર શેર કરો
6/8
26 જુલાઈએ વરસાદની અસર વધુ ઘટતી જોવા મળે છે. બનાસકાંઠા, સાબરકાંઠા, અરવલ્લી અને ઉત્તર ગુજરાતના કેટલાક વિસ્તારોમાં ઓરેન્જ એલર્ટ છે, જ્યારે ભાવનગર અને અમરેલી માટે યલો એલર્ટ દર્શાવવામાં આવ્યું છે. બાકીના મોટાભાગના જિલ્લાઓ ગ્રીન ઝોનમાં છે.
આ તસવીર શેર કરો
7/8
27 જુલાઈએ વરસાદનું જોર વધુ નબળું પડવાની શક્યતા વ્યક્ત કરવામાં આવી છે. બનાસકાંઠા, સાબરકાંઠા, અરવલ્લી અને પાટણ સહિતના કેટલાક ઉત્તર ગુજરાતના જિલ્લાઓ માટે યલો એલર્ટ જાહેર કરવામાં આવ્યું છે. ભાવનગર અને અમરેલીમાં પણ યલો એલર્ટ યથાવત રહેશે. જ્યારે રાજ્યના બાકીના મોટાભાગના જિલ્લાઓમાં કોઈ ખાસ ચેતવણી નથી અને ગ્રીન ઝોન દર્શાવવામાં આવ્યો છે.
આ તસવીર શેર કરો
8/8
હવામાન વિભાગે જણાવ્યું છે કે શરૂઆતના ત્રણ દિવસ દરમિયાન ખાસ કરીને દક્ષિણ, પૂર્વ અને મધ્ય ગુજરાતના જિલ્લાઓમાં ભારે વરસાદને કારણે નીચાણવાળા વિસ્તારોમાં પાણી ભરાવાની સ્થિતિ સર્જાઈ શકે છે. નદી-નાળા અને જળાશયો નજીક રહેતા લોકોને સાવચેત રહેવાની તેમજ સ્થાનિક તંત્રની સૂચનાઓનું પાલન કરવાની સલાહ આપવામાં આવી છે. ચોથા દિવસથી વરસાદની તીવ્રતા ઘટવાની શક્યતા છે, પરંતુ જ્યાં યલો અને ઓરેન્જ એલર્ટ જાહેર કરવામાં આવ્યા છે ત્યાં હજી પણ સાવચેતી રાખવી જરૂરી રહેશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
