વાઘોડિયાના MLA મધુ શ્રીવાસ્તવ દ્વારા પત્રકારને ધમકી આપવાનો મામલો
ધમકી મામલે DCP ક્રાઇમને સોપવામાં આવી તપાસ
એક ઇન્ટરવ્યુ દરમિયાન MLA મધુ શ્રીવાસ્તવે આપી હતી ધમકી
વાઘોડિયાના MLA મધુ શ્રીવાસ્તવ દ્વારા થોડા દિવસ અગાઉ એક ઇન્ટરવ્યું દરમિયાન પત્રકારને ધમકી આપી હોવાનુ સામે આવ્યું હતું. જેમાં મધુ શ્રીવાસ્તવે પત્રકારને પતાવી દેવાની ધમકી આપી હતી. જો કે આ મામલે હવે DCP ક્રાઇમ બ્રાંચને તપાસ સોંપવામાં આવી છે.
ખાનગી ચેનલના પત્રકારને મધુ શ્રીવાસ્તવે આપી હતી ધમકી
વાઘોડિયાના MLA મધુશ્રી વાસ્તવની પત્રકાર સામે ગુંડાગીરી થોડા દિવસ પહેલા ફરી એકવાર જોવા મળી હતી. મધુ શ્રીવાસ્તવે પત્રકારને પતાવી દેવાની ધમકી આપી હતી. ખાનગી ચેનલના પત્રકારને મધુ શ્રીવાસ્તવે ધમકી આપી હતી. મધુશ્રી વાસ્તવે કહ્યુ હતુ કે મારા માણસને કહીને પતાવી દઈશ. સીધો સવાલ પૂછ ખોટું ડહાપણ કેમ કરે છે?
દીકરી નિલમને પણ ન મળી ટિકિટ
વડોદરામાં MLA મધુ શ્રીવાસ્તવને વધુ એક ઝટકો લાગ્યો હતો. પુત્ર બાદ દીકરી નિલમને પણ ટિકિટ ન મળી હતી. મધુ શ્રીવાસ્તવે જિલ્લા પંચાયતની ચૂંટણીમાં દિકરી માટે ટિકિટ માંગી હતી
ત્યારે પાર્લામેન્ટરીએ મધુ શ્રીવાસ્તવની દિકરીને ટિકિટ ન આપવા નિર્ણય લીધો છે. પાર્લામેન્ટરી બોર્ડે મધુ શ્રીવાસ્તવની માંગ ફગાવી દીધી હતી. સગાઓને ટિકિટ ન આપવાનો નિયમ આગળ ધર્યો હતો.
દિપક શ્રીવાસ્તવે કહ્યું કે, મારે બે સંતાનો જ છે. ત્રણ નથી
વાઘોડિયાના ધારાસભ્ય મધુ શ્રીવાસ્તવના દિકરા દિપક શ્રીવાસ્તવને વધુ એક નિરાશા હાથ લાગી હતી. મનપા ચૂંટણી માટે નોંધાવેલી અપક્ષ ઉમેદવારીના ફોર્મને પંચ દ્વારા રદ કરવામાં આવ્યું હતું. તેની ઉમેદાવારી વિરુદ્ધ ખુદ ભાજપે જ વાંધો ઉઠાવ્યો હતો. મહત્વનું છે કે, દિપક શ્રીવાસ્તવના પિતા મધુ શ્રીવાસ્તવ ભાજપના જ ધારાસભ્ય છે.
આમ છતાં પાર્ટીએ તેમની ઉમેદવારી વિરુદ્ધ ફરિયાદ નોંધાવી હતી. દિપક શ્રીવાસ્તવને ત્રણ બાળકો હોવાથી તેની ઉમેદવારી રદ કરવામાં આવી છે. ચૂંટણી પંચ દ્વારા જાહેર ગાઈડ લાઈન પ્રમાણે જે ઉમેદવારને ત્રણ બાળકો હશે. તેમની ઉમેદવારી માન્ય રખાશે નહીં. જો કે, દિપક શ્રીવાસ્તવે કહ્યું કે, મારે બે સંતાનો જ છે. ત્રણ નથી.
ફોર્મ રદ થતા ચૂંટણી અધિકારીની ઓફિસમાં તોડફોડ કરાઇ હતી
વડોદરામાં ચૂંટણી અધિકારીની ઓફિસમાં તોડફોડ કરાઈ હતી અપક્ષ ઉમેદવારી ફોર્મ રદ થવાની આશંકાએ દીપક શ્રીવાસ્તવના સમર્થકોએ રોષમાં આવી તોડફોડ કરવામાં આવી હતી. ત્યાર બાદ જિલ્લા પંચાયત કચેરી પર ભાજપના આગેવાનો પહોચ્યા હતા. આ સાથે પોલીસના ધાડેધાડા જિલ્લા પંચાયત ભવન ખાતે તૈનાત કરાયા હતા. DCP,SP, પીઆઈ કક્ષાના પોલીસ અધિકારીઓનો કાફલો પણ પહોચ્યો હતો.