આનંદ / ગુજરાતના આ શહેરના CNG-PNG ધારકો માટે રાહતના સમાચાર, ભાવમાં કરાયો મોટો ઘટાડો, વેટ ઘટતા કરાઇ જાહેરાત

Vishnu

Last Updated: 09:46 PM, 18 October 2022

FOLLOW ON

શેર કરો

મહત્વનું છે કે ગઈકાલે ગુજરાત સરકાર દ્વારા CNG-PNG વેટમાં 10 ટકાનો ઘટાડો કરવામાં આવ્યો છે.

વડોદરા ગેસ લિમિટેડ કંપનીએ PNG અને CNGમાં કર્યો ઘટાડો
રાજ્ય સરકારે વેટ ઘટાડતા વડોદરા ગેસ લિમિટેડે લોકોને આપી રાહત

દિવાળી પહેલા ગુજરાતમાં ગરીબ અને મધ્યમ વર્ગના લોકો માટે આનંદના સમાચાર સામે આવ્યા છે. ગુજરાત સરકારે રાજ્યના 38 લાખ LPG ધારકો માટે મહત્વનો નિર્ણય લીધો છે. ગઈકાલે રાજ્ય સરકારના પ્રવક્તા જીતુ વાઘાણીએ જાહેરાત કરતા જણાવ્યું કે, ' ઉજ્જવલા યોજના અંતર્ગત રાજ્યમાં ગરીબ અને મધ્યમ વર્ગને વર્ષમાં 2 ગેસ સિલિન્ડર મફત અપાશે. ગેસ સિલિન્ડર માટેની રકમ સીધી ખાતામાં જ જમા થઇ જશે. ગેસ સિલિન્ડર માટે કુલ 650 કરોડની રાહત અપાશે. તેમજ CNG-PNG વેટમાં 10 ટકાનો ઘટાડો કરવામાં આવ્યો છે.'

વડોદરાવાસીઓ માટે ખુશખબર
ત્યારે હવે ગુજરાત સરકારે વેટમાં મોટો ઘટાડો કરતાં હવે ગેસ કંપની દ્વારા પણ ભાવ ઘટાડા જાહેરાત કરવામાં આવી છે. વડોદરા ગેસ લિમિટેડ કંપનીએ PNG અને CNGમાં ઘટાડો કર્યો છે. ઘરગથ્થુ પાઇપલાઇનથી અપાતા ગેસ PNGમાં પ્રતિ યુનિટ દીઠ 4.40 રૂપિયાનો ઘટાડો કર્યો છે. PNGનો નવો ભાવ 46.20 રૂપિયા થયો છે. તો બીજી તરફ CNGના ભાવમાં 7.40 રૂપિયાનો ઘટાડો કર્યો છે. CNGનો નવો ભાવ પ્રતિ કિલો 77.60 રૂપિયા થયો છે પહેલા 85 રૂપિયા પ્રતિ કિલો હતો. વડોદરા ગેસ લિમિટેડના ધારકો માટે આવતીકાલથી ભાવ ઘટાડો અમલમાં મુકાશે. રાજ્ય સરકારે વેટ ઘટાડતા લોકોને આ રાહત આપવામાં આવી છે.

ગરીબ અને મધ્યમ વર્ગ થશે રાહત
રાજ્યમાં એકતરફ મોંઘવારી ઘટવાનું નામ નથી લઇ રહી. એમાંય હવે તો દિવાળીના તહેવારો નજીક આવી રહ્યાં છે. ત્યારે મોંઘવારી સામાન્ય જનતા પર એક બોજો બની ગઇ છે. સામાન્ય અને ગરીબ વર્ગના પરિવારોને તો આ મોંઘવારીમાં તહેવારો ઉજવવું મુશ્કેલ બની જાય છે. એવામાં ગુજરાત સરકારે મહત્વનો નિર્ણય કરતા ગરીબ અને મધ્યમ વર્ગના લોકોને આકર્ષક દિવાળી 'ગિફ્ટ' આપી છે. જે બાદ કંપની પણ ગેસના ભાવમાં ઘટાડાની જાહેરાત કરી રહી છે.

દિવાળી પહેલા ગુજરાત સરકારની ગરીબ અને મધ્યમ વર્ગના લોકો માટે મહત્વની જાહેરાત