તમારા કામનું / ભેગું થઇ જશે રૂ. 25 લાખનું ફંડ! પોસ્ટ ઓફિસ તમારા માટે લઇને આવી 'ધુરંધર' સ્કીમ

Post Office Recurring Deposit: પોસ્ટ ઓફિસ દ્વારા ચલાવવામાં આવતી નાની બચત યોજનાઓ લોકોમાં પોપુલર છે. કારણ કે તેમા રોકાણ કરવાથી કોઇ જોખમ રહેતુ નથી. આ યોજનાઓના વ્યાજ દરો દર ત્રણ મહિને સુધારવામાં આવે છે.

આજના સમયમાં લોકો પોતાની પાછળનું જીવન સારી રીતે જીવી શકાય તે માટે બચત કરતા હોય છે પરંતુ આ બચત એવી જગ્યાએ કરે છે જેમા કોઇ જોખમ ન હોય અને રિટર્ન પણ સારુ મળી રહે. સરકાર પોસ્ટ ઓફિસ દ્વારા, તમામ ઉંમરના લોકો માટે નાની બચત યોજનાઓ ચલાવે છે. આ તેમના સુરક્ષિત રોકાણ અને ઉત્તમ વળતરને કારણે લોકપ્રિય છે. આવી જ એક સરકારી યોજના પોસ્ટ ઓફિસ રિકરિંગ ડિપોઝિટ સ્કીમ છે.

સારુ વ્યાજ અને જીરો રિસ્ક

તમે જોખમ-મુક્ત રોકાણ વિકલ્પ શોધી રહ્યા છો, તો પોસ્ટ ઓફિસ રિકરિંગ ડિપોઝિટ સ્કીમ તમારા માટે એક સારો વિકલ્પ છે. તમે ગમે તેટલું રોકાણ કરો, તમારા પૈસા ગુમાવવાની કોઈ શક્યતા નથી. વધુમાં સરકાર આ યોજના પર સારુ વ્યાજ દરો આપે છે. રિકરિંગ ડિપોઝિટમાં ફક્ત 100 ના પ્રારંભિક રોકાણ સાથે ખાતું ખોલી શકાય છે.

25 લાખ એકત્ર કરવાની ગણતરી

હવે ચાલો સમજાવીએ કે તમે આ સરકારી યોજનામાં નિયમિત રોકાણ દ્વારા 25 લાખનું ભંડોળ કેવી રીતે એકત્ર કરી શકો છો. ગણતરી એકદમ સરળ છે. પોસ્ટ ઓફિસ આરડી કેલ્ક્યુલેટરનો ઉપયોગ કરીને આ રકમ પ્રાપ્ત કરવા માટે તમારે દર મહિને 15,000 નું રોકાણ કરવાની જરૂર પડશે. આરડી યોજનામાં દર મહિને આ રકમનું રોકાણ કરીને તમારી કુલ થાપણ 5 વર્ષની પાકતી મુદત સુધીમાં 10,70,492 થશે, અને તમે ફક્ત વ્યાજ તરીકે રૂપિયા 1,70,492 કમાઈ શકશો.

આ પણ વાંચોઃ રેલવેમાં ફરી મોટા પાયે ભરતી પડી, એકસાથે 5000 ખાલી જગ્યાઓ ભરાશે

તમે આ માસિક રોકાણને આગામી પાંચ વર્ષ માટે લંબાવશો, એટલે કે કુલ 15,000 પ્રતિ માસ 10 વર્ષ માટે રોકાણ કરશો, તો તમારી વ્યાજ આવક 7,52,822 થશે. આ વ્યાજ આવકને ઉમેરીને તમારુ કુલ ફંડ રૂપિયા 25,62,822 થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ