વિઝા / અમેરિકાના સ્ટૂડેન્ટ વિઝા રદ્દના નિર્ણય મુદ્દે ભારતે અમેરિકા સાથે કરી આ વાતચીત

• તેઓને પરંપરાગત વર્ગો ભણાવતી શાળાઓમાં સ્થાનાંતરિત થવુ જોઈએ
•  યુ.એસ. ઇમિગ્રેશન ઓથોરિટીએ જાહેરાત કરી છે કે...
•  ભારતીય વિદ્યાર્થીઓને મુશ્કેલીનો સામનો કરવો પડે તેવી સંભાવના

હકિકતમાં યુ.એસ. ઇમિગ્રેશન ઓથોરિટીએ જાહેરાત કરી છે કે કોરોના વાયરસના રોગચાળા અને સુરક્ષાને ધ્યાનમાં રાખીને કહ્યું હતું કે એ વિદેશી વિદ્યાર્થીઓ કે જેમના વર્ગો ઓનલાઇન લેવામાં આવે છે તેમને દેશ છોડવો પડશે અથવા દેશનિકાલ થવાનું જોખમ સહન કરવુ પડશે. અમેરિકાના આ પગલાને કારણે હજારો ભારતીય વિદ્યાર્થીઓને મુશ્કેલીનો સામનો કરવો પડે તેવી સંભાવના છે.

સૂત્રોએ જણાવ્યું હતું કે અમેરિકન પક્ષે આની નોંધ લેતા કહ્યું હતું કે તેઓ ભારતીયોના હિતોને ધ્યાનમાં રાખશે અને આ નિર્ણયની તેમના પર ઓછી અસર પડે.

અમેરિકાએ ભારતને એમ પણ કહ્યું હતું કે આ નિર્ણયના અમલીકરણ અંગે વિસ્તૃત માર્ગદર્શિકા જારી કરવાની બાકી છે. ઇમિગ્રેશન વિભાગે કહ્યું કે હાલના સમયમાં જે વિદ્યાર્થીઓ આ મુશ્કેલીઓથી બચવા માંગે છે તેઓને પરંપરાગત વર્ગો ભણાવતી શાળાઓમાં સ્થાનાંતરિત થવુ જોઈએ.