બિઝનેસ / તહેવારોમાં UPI પેમેન્ટે તોડ્યાં તમામ રેકોર્ડ, લેણદેણનો આંકડો 17.8 લાખ કરોડને પાર

ભારતમાં UPI પેમેન્ટનું ચલણ દિવસે ને દિવસે વધી રહ્યું છે. એવામાં આ તહેવારોની સીઝનમાં ડિજિટલ પેમેન્ટમાં નવો રેકોર્ડ બન્યો છે. યુનિફાઇડ પેમેન્ટ્સ ઇન્ટરફેસ (UPI)એ બીજી તમામ પેમેન્ટ મોડ્સને પાછળ છોડી દીધા છે. જેમાં 17.8 લાખ કરોડ રૂપિયાના ટ્રાન્જેક્શન થયા છે. આ દરમિયાન ડેબિટ કાર્ડ્સે પણ કમબેક કર્યું છે, જ્યારે ક્રેડિટ કાર્ડથી પેમેન્ટ સ્લો થયું છે.

• 2.6 ટકા માસિક વૃદ્ધિ
  બેંક ઓફ બરોડાના અહેવાલ મુજબ UPIએ આ તહેવારોની સીઝનમાં પેમેન્ટની દુનિયા પર કબજો જમાવ્યો છે.. સપ્ટેમ્બર 2025 દરમિયાન UPIનું કુલ ટ્રાન્જેક્શન વેલ્યુ 17.8 લાખ કરોડ રૂપિયા રહ્યું જે ગયા વર્ષની સરખામણીમાં નોંધપાત્ર વધારો દર્શાવે છે અને 2.6 ટકા માસિક વૃદ્ધિ પણ દર્શાવે છે.
  

• ડેબિટ કાર્ડ્સમાં પણ ઉછાળો
  જ્યારે UPI પેમેન્ટ્સમાં ઉછાળો દેખાઈ રહ્યો છે ત્યારે ડેબિટ કાર્ડ્સે પણ આ વખતે મજબૂત આંકડા દર્શાવ્યા છે. આ તહેવારોની ખરીદીની સીઝન દરમિયાન ડેબિટ કાર્ડમાં ટ્રાન્જેક્શન વધીને 65,395 કરોડ રૂપિયા થયું છે. જે ગયા વર્ષે 27,566 કરોડ રૂપિયા હતું. બીજી તરફ ક્રેડિટ કાર્ડ ટ્રાન્જેક્શનમાં ઘટાડો થયો છે, જે દર્શાવે છે કે ડાયરેક્ટ પેમેન્ટ અને ઓછા વ્યાજવાળા માધ્યમને લોકો ફર્સ્ટ પ્રાયોરીટી આપી રહ્યા છે.
  

વધુ વાંચો : હવે મૂવી નાઇટ્સ પર ખિસ્સાં ઢીલા નહીં કરવા પડે, આ ક્રેડિટ કાર્ડ્સ આપશે જબરદસ્ત છૂટ!

• રોજબરોજની ખરીદી માટે UPI પેહલી પસંદ
  ઉલ્લેખનીય છે કે, એવરેજ પર ટ્રાન્ઝેક્શન ખર્ચમાં ડેબિટ કાર્ડ્સ સૌથી આગળ છે. જેમાં પ્રતિ ટ્રાન્ઝેક્શન એવરેજ ખર્ચ 8084 રૂપિયા રહ્યું છે. સાથે UPI પર આ રકમ 1052 અને ક્રેડિટ કાર્ડ્સ પર 1932 રૂપિયા રહ્યું છે. મતલબ કે, મોટી ખરીદી હજુ પણ કાર્ડ્સ દ્વારા કરવામાં આવે છે તો રોજબરોજની ખરીદી માટે UPIની પસંદગી કરવામાં આવે છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ