- પ્રેમના દિવસ 'વેલેન્ટાઈન'ની અનોખી ઉજવણી
- રાજકોટમાં અબોલ પશુઓને ભોજનથી આનંદ
- તો મોરબીમાં બાળકોને બત્રીસ પક્વાનથી પરમાનંદ
આજે 14 ફેબ્રુઆરી એટલે વેલેન્ટાઈન ડે. આ દિવસની લોકો પ્રેમની અભિવ્યક્તિના દિવસ તરીકે ઓળખે છે. હજારો કિલો ગુલાબથી માંડીને લાખો રૂપિયાની બેટ-સોગાદોની આપ-લે થાય છે. પણ ક્યારેય અબોલ-અને મૂંગા પશુઓ પ્રત્યે જીવદયા કે લાગણી સામૂહિક રીતે વ્યક્ત કરાઈ છે ? ના .કદાચ નહિ.પ્રેમની અભિવ્યક્તિના પવિત્ર દિવસે રાજકોટમાં વેલેન્ટાઈન ડે ની અનોખી ઉજવણી કરવામાં આવી હતી.વિરાણી સ્કૂલમાં વેલેન્ટાઈન ડેની અનોખી ઉજવણી કરાઈ. વિદ્યાર્થીઓએ 11,000 રોટલી એકત્રિત કરી ગાય અને શ્વાનને ખવડાવી અબોલ જીવ પ્રત્યે પ્રેમ વ્યક્ત કર્યો હતો.અને ત્યારબાદ પુલવામાં શહીદ જવાનોને બે મિનિટ મૌન રાખી શ્રધ્ધાંજલી પાઠવી હતી.આમ આજના દિવસે રાજકોટની વિરાણી સ્કૂલના વિદ્યાર્થીઓએ વેલેન્ટાઈન ડેની અનોખી ઉજવણી કરી હતી.
મોરબીમાં 'વાત્સલ્ય' દિવસ
મોરબીનું યંગ ઇન્ડિયા ગ્રૂપ આજે વેલેન્ટાઈન ડેને વાત્સલ્ય દિવસ તરીકે ઉજવીને બાળકોને જલસો કરાવ્યો હતો. જેમાં પ્રાથમિક શાળાના બાળકોને ઓડી સહિતની લકઝરીયસ કારમાં બેસાડીને શહેરની સફર પર લઈ જવામાં આવ્યા હતા. બાદમાં બાળકોને ભાવતું ભોજન પણ પીરસવામાં આવ્યું હતું. આમ વાત્સલ્ય દિવસ બાળકો માટે યાદગાર બની રહે તેવું સરાહનીય આયોજન યંગ ઇન્ડિયા ગ્રૂપ દ્વારા કરવામાં આવ્યું છે.
બાળકોને સ્કાય મોલ,લક્ઝુરીયસ કારની સફર
યંગ ઇન્ડિયા ગ્રુપ દ્વારા વેલેન્ટાઇન ડે ની વાત્સલ્ય દિવસ તરીકે અનોખી ઉજવણી કરવાનું પ્રેરક આયોજન કરવામાં આવ્યું હતું. હાલ ભારત દેશમાં પાશ્ચાત્ય તહેવારોની ઉજવણીનું ઘેલું લાગ્યું છે. ત્યારે આપણી ભારતીય સંસ્કૃતિની પરંપરા મુજબ તહેવારોની ઉજવણી કરીને જરૂરિયાત મંદોના ચહેરા પર મુસ્કાન લાવનાર યંગ ઇન્ડિયા ગ્રૂપે વેલેન્ટાઇન ડેના દિવસે નવતર કાર્યક્રમ યોજ્યો હતો. વેલેન્ટાઇન ડેને વાત્સલ્ય દિવસ તરીકે ઉજવીને યંગ ઇન્ડિયા ગ્રૂપ જરૂરિયાતમંદ બાળકોના ચહેરા પર સ્મિત રેલાવ્યુ હતુ. મોરબીની જુદી જુદી સરકારી પ્રાથમિક શાળામાં અભ્યાસ કરતા 100 જેટલા બાળકોને સ્કાય મોલ ખાતે લઇ આવવામાં આવ્યા હતા. આ જોય રાઈડમાં બધાજ બાળકોને 40 જેટલી મર્સીડીઝ, ઓડી, BMW સહિતની લકઝયરીયસ કારમાં બેસાડી મોરબી શહેરની સફર કરાવી હતી. બાળકોએ જોય રાઈડની મજા માણ્યા બાદ ભાવતા ભોજન કર્યા હતા.
