સુરત / મેડિકલ વિદ્યાર્થીઓ માટે ગુડ ન્યૂઝ, કેન્દ્રીય મંત્રી માંડવિયાએ કર્યું મહત્વનું એલાન, મળશે આ લાભ

• મનસુખ માંડવિયાની મહત્વની જાહેરાત
• વિદ્યાર્થીઓને મળશે ઇન્ટર્નશિપની તક 
• વિદ્યાર્થીઓ FMG પરીક્ષામાં આપી શકશે

સુરતમાં તબીબી સંવાદ કાર્યક્રમમાં કેન્દ્રીય આરોગ્યમંત્રી મનસુખ માંડવિયાની મહત્વની જાહેરાત કરી છે. જેમાં કોરોના પહેલા યુક્રેન સહિત અન્ય દેશમાં મેડિકલ અભ્યાસ અર્થે ગયેલા વિદ્યાર્થીઓને દેશમાં ઇન્ટર્નશિપની તક આપવામાં આવશે. આવા તમામ વિદ્યાર્થીઓને FMG પરીક્ષામાં બેસવા દેવામાં આવશે. NMCના પરિપત્ર સંદર્ભે વિદેશ અભ્યાસ અર્થે જનાર વિદ્યાર્થીઓના લાયકાત અંગે ક્લેરિફિકેશન કરવામાં આવ્યું હતું. જેથી વિદ્યાર્થીઓ પરીક્ષા પાસ કરી દેશમાં ડોક્ટર તરીકેની પ્રેક્ટિસ કરી શકશે તેવું કેન્દ્રીય આરોગ્ય મંત્રીએ જણાવ્યું હતું.

आज सूरत में चिकित्सकों के साथ संवाद किया।

स्वास्थ्य रक्षक के रूप में डॉक्टर ने जो भूमिका कोविड के दौरान निभाई है वो कभी नहीं भुलाई जा सकती। उनके उत्कृष्ट योगदान के लिए सभी का अभिनंदन भी किया। pic.twitter.com/ORDufC4gv3

— Dr Mansukh Mandaviya (@mansukhmandviya) September 2, 2023

'ભારતના હેલ્થ સેક્ટરની ત્રણ બાબતો મહત્વની રહી'
મનસુખ માંડવિયાએ જણાવ્યું કે, તાજેતરમાં ગુજરાતમાં જી20ની હેલ્થ મંત્રીઓની બેઠક યોજાઈ છે, આ બેઠકમાં વિશ્વના 29 દેશના મંત્રીઓ ઉપસ્થિત રહ્યાં હતા. આ સમિટમાં ભારતના હેલ્થ સેક્ટરની ત્રણ બાબતો મહત્વની રહી છે. જેમાં હેલ્થની લઈ વિવિધ ચર્ચાઓ કરવામાં આવી હતી જેનો વિવિધ દેશોઓ સ્વીકાર કર્યો હતો. 

મનસુખ માંડવિયા શું કહ્યું
કેન્દ્રીય મંત્રી મનસુખ માંડવિયાએ એક કાર્યક્રમ દરમિયાન જણાવ્યું હતું કે, સરકારની સાથે આરોગ્ય સાથે જોડાયેલા લોકોએ પણ આરોગ્યને સેવાભાવ સાથે અપનાવ્યુ છે, જેનું ઉત્તમ ઉદાહરણ આપણે કોરોના કાળમાં જોયું છે. કોરોના મહામારી સમયે લોકડાઉનના સમયમાં પણ 13 લાખથી વધુ ડૉક્ટર્સ, 35 લાખથી વધુ નર્સ અને પેરામેડિકલ સ્ટાફે ખડેપગે રહીને દેશના લોકોની સેવામાં કાર્યરત હતા. આ જ હિન્દુસ્તાનના હેલ્થ મોડેલની વિશેષતા છે.