- એલન મસ્ક ટ્વિટરના એકમાત્ર ડિરેક્ટર બની ગયા
- એલન મસ્ક હવે ટ્વિટરના સીઇઓ તરીકે સેવા આપશે
- એલન મસ્ક એ પહેલા કેન્સલ કરી હતી ડીલ
ટ્વિટરના નવા માલિક એલન મસ્ક એક પછી એક એક નિર્ણય લઈને બધાને ચોંકાવી રહ્યા છે. તાજેતરમાં તેણે કંપનીના સીઇઓ પરાગ અગ્રવાલને નીકાળી દીધા છે. તેથી હવે મસ્કે ટ્વિટરના બોર્ડના તમામ ડિરેક્ટર્સને રજા આપી દીધી છે. સોમવારે એક નિયમનકારી ફાઇલિંગ અનુસાર વિશ્વના સૌથી ધનિક વ્યક્તિ એલન મસ્ક ટ્વિટરના સીઇઓ તરીકે સેવા આપશે. ટેસ્લા, સ્પેસએક્સ, ન્યુરાલિંક અને ધ બોરિંગ કંપની ચલાવતા મસ્ક હવે ટ્વિટરના સીઇઓ બનશે. આ સાથે જ ટ્વિટરના બોર્ડના તમામ ડિરેક્ટર્સને રજા આપી દીધી છે. આ પછી, એલન મસ્ક ટ્વિટરના એકમાત્ર ડિરેક્ટર બની ગયા છે.
એલન મસ્ક એ પહેલા ડીલ કેન્સલ કરી હતી
જણાવી દઈએ કે એલન મસ્કે 28 ઓક્ટોબરે ટ્વિટરની કમાન સંભાળી હતી અને એ પછી તુરંત જ તેને ટ્વિટરના સીઈઓ પરાગ અગ્રવાલ, સીએફઓ નેડ સેગલ અને લીગલ અફેર-પોલીસી હેડ વિજયા ગડ્ડેને કંપનીમાંથી કાઢી મૂક્યા. અને મસ્કે તેને કંપનીના હેડક્વાર્ટરમાંથી બહાર પણ કાઢ્યો હતો. જાણકારી મુજબ મસ્કે આ વર્ષે 13 એપ્રિલે ટ્વિટર ખરીદવાની જાહેરાત કરી હતી અને તેને શેર દીઠ $54.2ના દરે $44 બિલિયનમાં સોશિયલ મીડિયા પ્લેટફોર્મ ખરીદવાની ઓફર કરી હતી. પણ એ પછી સ્પેમ અને નકલી એકાઉન્ટના કારણે તેણે તે ડીલ હોલ્ડ પર મૂકી દીધી હતી. આ પછી 8 જુલાઈના રોજ મસ્કે ડીલ તોડવાનું નક્કી કર્યું કરીને તેની સામે ટ્વિટરે કોર્ટમાં અરજી કરી હતી. પણ ઓક્ટોબરની શરૂઆતમાં મસ્કે પોતાનું વલણ બદલ્યું અને ફરીથી ડીલ પૂરી કરવા પર આવ્યો હતો. ડેલવેર કોર્ટે 28 ઓક્ટોબર સુધીમાં સોદો પૂર્ણ કરવાનો આદેશ આપ્યો હતો અને એલન મસ્કે એક દિવસ પહેલા જ ટ્વિટરની ઓફિસ પહોંચીને બધાને ચોંકાવી દીધા હતા.
કેમ કરાઇ હકાલપટ્ટી?
એલન મસ્કે ટ્વીટર સાથે ડીલ કરતા પહેલા એક સવાલ કર્યો હતો જે સવાલ ટ્વીટરના CEO સહિતના ઉચ્ચ અધિકારીઓને કરાયો હતો એલન મસ્કે ટ્વીટર પર ફર્જી ખાતા ધારકોની યાદી માંગી હતી. CEO પરાગ અગ્રવાલે ફર્જી ખાતા ધારકોની યાદી જાહેર ન કરતા વિવાદ થયો હતો. મસ્કે ટ્વીટર પર લોકોને ભ્રમિત કરવાનો લગાવ્યો આરોપ પણ લગાવ્યો હતો. જ્યારે એલન મસ્કે ટ્વીટરને હસ્તગત કર્યો ત્યારે ટ્વીટર CEO પરાગ ઓફિસમાં હાજર હતા. ટ્વીટરની ડીલ પુરી થતા ટ્વીટરના CEO પરાગ અગ્રવાલની હકાલપટ્ટી કરવામાં આવી છે. ટ્વીટરના CFO નેડ સેગલ સહિતના ઉચ્ચ હોદ્દેદારોને પણ બરતરફ કરવામાં આવ્યા છે.
ટ્વીટરની નીતિઓમાં થશે ફેરફાર!
ટ્વીટર પર કંટેન્ટને લઈ નીતિનિયમમાં થઈ શકે છે ફેરફાર તેમજ કંટેન્ટ મોડરેશનને લઈ મહત્વના નિર્ણય લેવાઈ શકે છે જેમાં કંટેન્ટ મોડરેશન એટલે અપ્રમાણિક કંટેન્ટ જે ભ્રમ ઉત્પન્ન કરી શકે અને બીજી ભાષામાં હેડ સ્પીચ પણ કહેવામાં આવે છે. એલન મસ્ક હમેશથી કંટેન્ટ મોડરેશનનો વિરોધ કરતા આવ્યા છે. મસ્ક પ્રમાણે લોકોને પોતાની લાગણી વ્યક્ત કરવાની પુરી સ્વતંત્રતા હોવી જોઈએ. કંટેન્ટને લઈ ટૂંક સમયમાં નવા ફીચર્સ મળી શકે છે તેમજ ટ્વીટર પર દરેક માટે એડિટ બટનની સુવિધા કરવામાં આવશે. હાલ ખૂબ ઓછા લોકોને ટ્વીટર પર એડિટ બટનની સુવિધા અપાઈ રહી છે એડિટ ફીચર્સ માત્ર બ્યૂ ટિક યૂજર માટે હશે, જે સબ્સક્રિપ્શન બેસ્ડ હશે
