રાજાશાહી ઠાઠ / દુનિયાના સૌથી ભવ્ય આવાસમાં રહે છે ગુજરાતની આ રોયલ ફેમિલી, અંગ્રેજોના બંકિંઘમ પેલેસ-અંબાણીના એન્ટિલિયા કરતાં પણ મોટું છે મહેલ

• ગુજરાતનાં આ મહારાણીનો મહેલ છે Antilia પણ છે મોટો 
• વડોદરામાં આવેલ છે વિશ્વનું સૌથી મોટું ખાનગી રહેઠાણ લક્ષ્મી વિલાસ પેલેસ 
• લક્ષ્મી વિલાસ પેલેસ બકિંગહામ પેલેસ કરતાં લગભગ 4 ગણો મોટો

Lakshmi Vilas Palace : દેશના સૌથી મોંઘા મકાનોમાં પહેલું નામ એશિયાના સૌથી ધનિક વ્યક્તિ મુકેશ અંબાણીના મુંબઈ સ્થિત એન્ટિલિયાનું આવે છે. પરંતુ શું તમે જાણો છો કે એન્ટિલિયા કરતા પણ મોટા મહેલમાં એક રાજવી પરિવાર રહે છે, જેની રાણી રાધિકારાજે ગાયકવાડ છે. અમે વાત કરી રહ્યા છીએ લક્ષ્મી વિલાસ પેલેસની જે ગુજરાતના વડોદરામાં સ્થિત છે અને તેની માલિકી બરોડાના ગાયકવાડ પરિવારની છે. HRH સમરજિત સિંહ ગાયકવાડ જેઓ અગાઉના શાહી પરિવારના વડા હતા અને તેમની પત્ની રાધિકારાજે ગાયકવાડ તેમાં રહે છે. 

વિશ્વનું સૌથી મોટું ખાનગી રહેઠાણ
રિપોર્ટ અનુસાર આ વિશ્વનું સૌથી મોટું ખાનગી રહેઠાણ હોવાનું કહેવાય છે અને લક્ષ્મી વિલાસ પેલેસ બંકિંઘમ પેલેસ કરતાં લગભગ 4 ગણો મોટો છે.

ગુજરાતનો લક્ષ્મી વિલાસ પેલેસ 700 એકર અથવા લગભગ 3,04,92,000 ચોરસ ફૂટમાં ફેલાયેલો છે, જ્યારે બકિંગહામ પેલેસ 828,821 ચોરસ ફૂટમાં બનેલો છે.

લક્ષ્મી વિલાસ પેલેસ અંબાણીના ઘરથી પણ મોટો 
જો મુકેશ અંબાણીના ઘર સાથે સરખામણી કરવામાં આવે તો તેમનું એન્ટિલિયા 48,780 ચોરસ ફૂટ વિસ્તારમાં ફેલાયેલું છે, એટલે કે લક્ષ્મી વિલાસ પેલેસ તેનાથી ઘણો મોટો છે. લક્ષ્મી વિલાસ પેલેસ 170થી વધુ ઓરડાઓ ધરાવતો મહેલ મહારાજા સયાજીરાવ ગાયકવાડ III દ્વારા 1890 માં બનાવવામાં આવ્યો હતો. રિપોર્ટ અનુસાર તે સમયે આ મહેલ બનાવવાનો ખર્ચ 180,000 GBP હતો.