જાણવા જેવું / સરકારના આ એક નિર્ણયથી બચે છે વેપારીઓના રૂપિયા! શું તમે જાણો છો?

કેન્દ્ર સરકારે GST રિટર્ન ફાઇલ કરવાનું હવે સરળ બનાવ્યું છે. ખાસ કરીને નાના વેપારીઓ માટે આ પ્રોસેસ પહેલા કરતા ઘણી સરળ બનાવવામાં આવી છે. ગુડ્સ એન્ડ સર્વિસ ટેક્સ (GST) હેઠળ આવતા વેપારીઓ વારંવાર ફરિયાદ કરતા રહ્યા છે કે ફાઇલિંગ પ્રોસેસ ખૂબ જટિલ છે, જેના કારણે તેમને સમસ્યાઓનો સામનો કરવો પડે છે. આથી તેઓ સંપૂર્ણપણે વકીલ અથવા CA પર નિર્ભર રહેતા હોય છે.

• કોને મળશે લાભ?
  થોડા સમય પહેલા સરકારે નાના વેપારીઓની આ સમસ્યા દૂર કરવા માટે એક પગલું ઉઠાવ્યું છે. જેમાં મોબાઇલ પરથી SMS મોકલીને પણ રિટર્ન ફાઇલ કરી શકાય છે. પણ આ સર્વિસ ફક્ત એવા લોકો માટે છે જેઓ ઝીરો રિટર્ન ફાઇલ કરતા હોય. એટલે કે જેમનો ટેક્સ કંઈ જ નથી. આવા વેપારીઓ મોબાઇલ પરથી SMS મારફતે માસિક અને ત્રિમાસિક ધોરણે ફોર્મ GSTR-1 માટે ઝીરો રિટર્ન ફાઇલ કરી શકે છે.

• ચલાવવામાં આવી રહ્યું છે જાગૃતિ અભિયાન

સરકારની આ પહેલથી નાના વેપારીઓ સરળતાથી રિટર્ન ફાઇલ કરી શકે છે. એનાથી તેમના વકીલ અથવા CAને ચૂકવવામાં આવતી ફી પણ બચી રહી છે. ડિપાર્ટમેન્ટ દ્વારા આ સંદર્ભમાં સતત જાગૃતિ અભિયાન પણ ચલાવવામાં આવી રહ્યું છે, જેથી વધુને વધુ વેપારીઓ આ સર્વિસનો લાભ લઈ શકે. અત્યાર સુધી વેપારીઓને ઝીરો રિટર્ન માટે પણ CAની મદદ લેવી પડતી હતી આથી તેમને વધારાનો ખર્ચ થતો હતો.

વધુ વાંચો : સરકારી કર્મચારીઓ માટે સારા સમાચાર! આ તારીખથી મળશે 8માં પગાર પંચનો લાભ

• આ છે પ્રોસેસ
  વેપારીઓ તેમના રજિસ્ટર્ડ મોબાઇલ નંબર પરથી SMS મોકલીને ઝીરો રિટર્ન ફાઇલ કરી શકે છે. એના માટે તેમને મેસેજ બોક્સમાં જઈને NIL, રિટર્ન ટાઇપ, GST નંબર, રિટર્ન સમયગાળો લખીને 14409 નંબર પર SMS મોકલવાનો રહે છે. ત્યાર બાદ સંબંધિત ટેક્સપેયરને SMS દ્વારા 6-અંકનો વેરિફિકેશન કોડ મળે છે. જે તેમને CNF <space> R1 <space> વેરિફિકેશન કોડ લખીને 14409 પર મોકલવાનો રહે છે. ત્યાર બાદ તમને GSTR-1 ની નીલ ફાઈલિંગનો સફળ વાળો SMS મળશે. આ સમગ્ર પ્રોસેસ વિશેની માહિતી સત્તાવાર વેબસાઇટ tutorial.gst.gov.in પર પણ મળી રહે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ