વિશ્વ / ભારતીય યુવાઓ માટે ગુડ ન્યૂઝ! આ દેશને એકસાથે 288000 ઈમિગ્રન્ટ્સની જરૂર, તૈયાર રહેજો

બર્ટેલ્સમેન સ્ટિફ્ટિંગના એક રિપોર્ટ મુજબ જર્મનીને દર વર્ષે 2.88 લાખ શ્રમિકોની જરૂર પડશે. જર્મનીમાં વધતી ઉંમરને કારણે શ્રમ શક્તિની અછત થઈ રહી છે. જેના લીધે જર્મનીને વિદેશી પ્રવાશી શ્રમિકો પર નિર્ભર રહેવું પડે છે. આ રિપોર્ટ મુજબ શ્રમ શક્તિને જાળવી રાખવા માટે જર્મનીને 2040 સુધીમાં દર વર્ષે સરેરાશ 2.88 લાખ કામદારોની જરૂર પડશે.જો મહિલાઓ અને વૃદ્ધ કામદારોમાં કોઈ નોંધપાત્ર વધારો નહીં થાય તો જર્મનીને દર વર્ષે 3.68 લાખ અપ્રવાસિઓની જરૂર પડી શકે છે.

• જર્મનીમાં કેમ વધી રહી છે કામદારોની માંગ?

જર્મનીમાં વધતી શ્રમિકોની માંગ પાછળ અનેક કારણો છે, જેમાં સૌથી મોટું કારણ ત્યાં વૃદ્ધ લોકોની સંખ્યા વધુ છે અને તેમની નિવૃત્તિની ઉંમર પણ નજીક છે. આ સાથે જ બેબી બૂમર્સ જનરેશન (1946 થી 1964 સુધી જન્મેલા) વર્ક ફોર્સમાંથી બહાર નીકળી રહ્યા છે. જેના લીધે જર્મનીમાં વર્ક ફોર્સ ઝડપથી ઘટી રહ્યું છે. જેની અસર દેશની અર્થવ્યવસ્થા પર થઈ રહી છે.

• જર્મનીમાં આવતા વર્ષે ચૂંટણી

જર્મનીમાં આવતા વર્ષે ચૂંટણી યોજાશે જેથી ત્યાં ઇમિગ્રન્ટ વર્કરોનો મુદ્દો ગરમાયો છે. જેના લીધે વામપંથી પાર્ટીઓ સહિતના રાજકીય પક્ષો શરણાર્થીઓની વધતી સંખ્યાને સીમિત કરવાની માંગ કરી રહ્યા છે. તો જર્મનીમાં બેબી બૂમર્સની નિવૃત્તિને કારણે વર્ક ફોર્સની અછત થશે, જેના લીધે ઇમિગ્રન્ટ શ્રમિકોની માંગ વધશે.

વધુ વાંચો : ઇઝરાયલ અને હિઝબુલ્લાહ વચ્ચે યુદ્ધ ખતમ, સીઝફાયર ડીલને મળી મંજૂરી, હવે લેબનોનમાં અટકશે હુમલાઓ

• જર્મનીમાં છે ઘણી શક્યતાઓ

જર્મનીની આર્થિક સ્થિરતા અને વિકાસની સંભાવનાઓ વિદેશી શ્રમિકોને આકર્ષીત કરી શકે છે અને તેમને જર્મનીમાં રહેવામાં પણ મદદ કરી શકે છે. જર્મનીમાં કામદારોની વધતી માંગ વર્ષ 2000ની યાદ અપાવે છે, છેલ્લા દાયકામાં સીરિયા અને યુક્રેનના સંઘર્ષને કારણે જર્મનીમાં માઈગ્રેટ રેટ 6 લાખ સુધી પહોંચી ગયો હતો. પણ જર્મનીમાં વધતી અપ્રવાસિઓની સંખ્યાને સામાજિક અને રાજકીય વિરોધનો સામનો પણ કરવો પડી શકે છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ