પંચમહાલ / પત્નીની હેમખેમ પ્રસૂતિ થતાં માનતા પુરી કરવા ઉંધુ ચાલી પાવાગઢ જવા નીકળી પડ્યો યુવક, નાની દીકરી આપી રહી છે સાથ

• શહેરાનો યુવક ઉંધો ચાલતા ચાલતા માનતા પુરી કરવા નીકળ્યો
• પત્નિની પ્રસૃતિ વખતે તબીયત લથડતા રાખી હતી બાધા
• બાધા પુરી કરવામાં તેની પુત્રી આપી રહી છે સાથ

 પંચમહાલનાં શહેરાનાં નસીરપુરનો યુવક ઉંધો ચાલતા ચાલતા પાવાગઢ માનતા પુરી કરવા નીકળ્યો હતો. ત્યારે જશવંતની પત્નિને પ્રસૃતિ વેળાએ બીપી લો થઈ જતા બાળક બચવાની સંભાવના નહિવત હોવાનું તબીબે જણાવતા યુવકે માતાજીની માનતા રાખી હતી. પત્નિ અને બાળકી બંને પ્રસૃતિ દરમ્યાન હેમખેમ રહેતા જ જશવંત માનતા પુરી કરવા નીકળ્યો હતો.  દિકરી પણ પિતાનો સાથ આપી રહી છે. અંદાજીત 80 કિલોમીટરની યાત્રા દરમ્યાન જશવંતને ગોધરા, વેજલપુર અને કાલોલનાં ભારે ટ્રાફિકમાંથી પસાર થવું પડ્યું હતું. ત્યારે યુવક ગોધરામાંથી હેમખેમ રીતે જશવંત વેજલપુર સુધી પહોંચ્યો હતો. ત્યારે વિષય શ્રદ્ધાનો તો પુરાવાની શું જરૂર ઉક્તિ સાર્થક કરી રહ્યો છે જશવંત. આ બાધા પુરી કરવામાં તેની સાડા ચાર વર્ષની પુત્રી પણ સાથ આપી રહી છે.

બાધા પૂર્ણ કરવા ઉંધા ચાલતા પાવાગઢ જઈ રહ્યો છુંઃ યુવક
આ બાબતે યુવત જશવંતને પૂછતા તેણે જણાવ્યું હતું કે,  મારી પત્નિને પ્રસૃતિ વખતે અચાનક તબીયત બગડી હતી. જે બાદ ર્ડાક્ટરે મને જણાવ્યું હતું કે બાળકને બચાવવાની સંભાવનાં નહિવત છે.  ત્યારે મેં બાધા રાખી હતી. જે બાદ મારી પત્નિની પ્રસૃતિ થઈ હતી અને બાળક પણ સ્વસ્થ હતું. રાખેલી બાધા પૂર્ણ કરવા માટે ઉંધા ચાલતા ચાલતા બાધા પૂરી કરવા પાવાગઢ જઈ રહ્યો છું.  તેમજ મારી સાથે મારી પુત્રી પણ મારો સાથ આપી રહી છે.