બેદરકારી / વડોદરાના શાળા સંચાલકો હજુય ઘોર નિંદ્રામાં, પ્રવાસમાં પ્રાથમિક શાળાના બાળકો જોખમી રીતે દરિયાકાંઠે બેસેલા દેખાયા

• વડોદરાની વધુ એક શાળાની ઘોર બેદરકારી આવી સામે
• સાદરા પ્રાથમિક શાળાના વિદ્યાર્થીઓને દરિયા કાંઠે પ્રવાસમાં લઈ જવાયા
• બાળકો જોખમી રીતે દરિયા કાંઠે બેસેલા જોવા મળ્યા
• જો કોઈ દુર્ઘટના બને તો જવાબદાર કોણ?

Vadodara News : વડોદરા હરણી તળાવ દુર્ઘટના બાદ પણ જાણે શાળા સંચાલકો કે તંત્રએ કોઈ શીખ જ ન લીધી હોય તેવી ઘટના સામે આવી છે. વાત જાણે એમ છે કે, હરણી તળાવ ખાતે પ્રવાસે આવેલ બાળકો ડૂબી ગયા બાદ વડોદરાની વધુ એક શાળાની બેદરકારી સામે આવી છે. વિગતો મુજબ વડોદરાની સાદરા પ્રાથમિક શાળાના વિદ્યાર્થીઓને દરિયા કાંઠે પ્રવાસમાં લઈ જવાયા છે. આ દરમિયાન બાળકો જોખમી રીતે દરિયા કાંઠે બેસેલા જોવા મળ્યા હતા. જોકે હવે સવાલ થઈ રહ્યો છે કે, જો કોઈ દુર્ઘટના બને તો જવાબદાર કોણ? 

વધુ વાંચો: બજેટ, બિલ સહિતના મુદ્દાઓ પર આજે ચર્ચા, CMની અધ્યક્ષતામાં આજે ગાંધીનગરમાં કેબિનેટ બેઠક

વડોદરાની વધુ એક શાળાની ઘોર બેદરકારી સામે આવી છે. હરણી તળાવમાં બાળકોના મોત બાદ પણ સાદરા પ્રાથમિક શાળાના વિદ્યાર્થીઓને દરિયા કાંઠે પ્રવાસમાં લઈ જવાયા હતા. આ બાળકોને પોરબંદરના માધવપુરના દરિયા કાંઠે પ્રવાસમાં લઈ જવાયા હતા. જ્યાં આ બાળકો જોખમી રીતે દરિયા કાંઠે બેસેલા જોવા મળ્યા હતા. જેથી હવે સવાલ ઊભા થઈ રહ્યા છે કે, જો કોઈ દુર્ઘટના બને તો જવાબદાર કોણ? હરણી તળાવ દુર્ઘટના બાદ પણ કોઈ શીખ લેવામાં નથી આવી, 14ના મોત બાદ પણ હજુ બેદરકારી જોવા મળી રહી છે. આ ઘટનાને લઈ શાળા સંચાલકો, વાલીઓ, DEO-DDO નિંદ્રામાં હોવાનું દેખાઈ રહ્યું છે.