વાહ / હવે રાજકોટ નજીક જ સાવજની ડણક સંભળાશે? લાયન ટેરેટરી બનાવવાની તૈયારી, કેન્દ્રની મંજૂરીનો ઈંતેજાર

• રાજકોટમાં પણ સંભળાશે સિંહોની ગર્જના
• રાજકોટમાં લાયન ટેરેટરી બનાવવાની યોજના
• યોજનાની મંજૂરી માટે તજવીજ હાથ ધરાઈ

રાજકોટ નજીક હવે સિંહોની ગર્જના સંભળાશે. રાજકોટના માંડા ડુંગરથી જેતપુર સુધી લાયન ટેરેટરી બનાવવાની યોજના બનાવવામાં આવી છે. વનવિભાગ દ્વારા વિધિવત્ મંજૂરી મળે તે માટે તજવીજ હાથ ધરાઈ છે.

રાજકોટમાં પણ સંભળાશે સિંહોની ગર્જના
રાજકોટના માંડા ડુંગરથી જેતપુર સુધી લાયન ટેરેટરી બનાવવાની યોજના બનાવવામાં આવી છે, લાયન ટેરેટરીને મંજૂરી મળે તો રાજકોટ પર્યટક સ્થળ તરીકે પણ વિકાસ પામશે. જેને લઈ એક્સપર્ટનું કહવું છે કે, ગોંડલ જેતપુર અને જસદણની વીરડી વિસ્તાર અનુકૂળ છે તેમણે કહ્યું કે, લાયન ટેરેટરી માટે કેન્દ્રીય વન વિભાગની મંજૂરી જરૂરી છે

લાયન ટેરેટરીને લઈ એક્સપર્ટનું નિવેદન
તેમણે જણાવ્યું કે, આપણી પાસે 2020ની ગણતરી મુજબ 674 સિંહ હતાં જેમાંથી પંચાસ ટકા પ્રોટેક્ટટ એરિયામાં અને અડધા સેન્ચુરિયન એરિયામાં રહે છે અને તમામ એરિયા લગભગ 30 હજાર સક્વેર કિલોમીટર છે. તેમણે કહ્યું કે, પહેલા પણ સિંહો જંગલ છોડી બહાર અન્ય વિસ્તારોમા આવી જતા હતા તેમજ માંડા ડુંગરથી જેતપુર સુધી સિંહો માટે સાનુકૂળ છે. તેમણે કહ્યું કે, લાયન ટેરેટરીને કેન્દ્રીય વન વિભાગની મંજૂરી મળે તે જરૂરી છે અને સિંહ પહેલેથી ગીરની બહાર આવતા અને વર્તમાનમાં આ સ્થિતિ ચાલુ છે.