અમદાવાદમાં અમારા કેમેરા એક એવી હડતાળને કવર કરવા પહોંચ્યા જેને સામાન્ય રીતે સમાજ પ્રશ્ન તરીકે જોતો નથી. ન તો આપણે આ મુદ્દાને કોઈની પીડા તરીકે જોઈએ છીએ. નવા અમદાવાદના સાઉથ બોપલ વિસ્તારમાં ઘરે કામ કરનારા મહિલા અને પુરુષોએ હડતાળ કરી. સમાજનો ખૂબ નાનો વર્ગ છે, પરંતુ શહેરોમાં એની મહત્વતા દરેક ગૃહિણી સમજે છે. મધ્યમ અને ઉચ્ચ મધ્યમવર્ગમાં ક્યારેક મહિલાની શારીરિક સજ્જતા હોતી નથી અને એના કારણે પણ ઘરકામ માટે મદદ લેવી પડે છે. પ્રશ્નો બન્ને બાજુ છે, ઘરકામ કરનારા લોકોની તરફે પણ પ્રશ્નો છે, અને ઘરકામ કરાવનારા પરિવારોના પણ પ્રશ્નો છે, પરંતુ આપણી સમજણ અને સંસ્કાર એવું કે છે નબળાની બાજુમાં હંમેશા હિંમતથી ઉભું રહેવું.
- અમદાવાદના સાઉથ બોપલની ગૃહિણીઓની બગડી રજાની મજા
- સાઉથ બોપલમાં ઘરકામ વાળાની હડતાળથી ગૃહિણી પરેશાન
- ઓર્ચિડ એલીગન્સ સોસાયટીના ઘરકામ વાળાઓ હડતાળ પર
કામવાળા બહેનો એક સાથે હડતાળ પર ઉતરી જતા ગૃહિણીઓ મુંઝવણમાં મુકાઈ
અમદાવાદ સહિત રાજ્યભરમાં થર્ટી ફર્સ્ટની ઉજવણી અને નવા વર્ષને આવકારવા સૌ કોઈમાં થનગનાટ છે. પરંતુ થર્ટી ફર્સ્ટની ઉજવણી પહેલા જ અમદાવાદમાં કામવાળા બહેનોએ ગૃહિણીઓની મુશ્કેલી વધારી દીધી છે. અમદાવાદના સાઉથ બોપલ વિસ્તારમાં આવેલા ઓર્ચિડ એલીગન્સ અને ગાલા મારવેલાના કામવાળાઓ હડતાળ પર ઉતરી ગયા છે. અહીં 110 જેટલા કામવાળા બહેનો એક સાથે હડતાળ પર ઉતરી જતા ગૃહિણીઓ મુંઝવણમાં મુકાઈ છે. કામવાળા બહેનોની માગ છે કે, તેને ચૂકવાતા મહેનતાણામાં વધારો કરવામાં આવે. કારણકે હાલમાં તેઓને એક કામના 800 રૂપિયા ચૂકવાઇ છે. આ મહેનતાણુ વધારીને હજાર રૂપિયા કરવાની માગણી કરવામાં આવી છે. તેઓનું કહેવું છે કે, મોંઘવારી સાથે ભાવમાં વધારો થવો જોઈએ, જે નથી થઇ રહ્યો. ઘરના ભાડા મોંઘા થયા છે, આવી સ્થિતિમાં પરિવારનું ગુજરાન ચલાવું મુશ્કેલ બન્યુ છે.
- મહેનતાણુ વધારવા ગૃહિણીઓની મંજૂરી અને પતિ વિરોધમાં
- ઘરકામ વાળાઓને તહેવારોમાં બોનસ આપતા હોવાનો માલિકોનો દાવો
- ઘરકામના ભાવ સૌથી વધુ શીલજ, શેલા અને બોપલમાં
કામવાળાઓની હડતાળ તો બીજી તરફ ઘર માલિકો પરેશાન
એક તરફ કામવાળાઓની હડતાળ તો બીજી તરફ ઘર માલિકો પરેશાન થઈ રહ્યાં છે. રજાના દિવસોમાં જ કામવાળા બહેનો હડતાળ પર ઉતરી જતા રજાની મજા બગડી છે. જોકે ઘર માલિકોનું કહેવું છે કે, કામવાળાની રજાઓમાં તેનો પગાર કપાવામાં આવતો નથી. તેમજ તહેવારમાં બોનસ પણ આપતા હોવાનો ઘર માલિકો દાવો કરી રહ્યાં છે. પરંતુ કામવાળા બહેનોની એક જ માગ છે કે તેનું મહેનતાણું વધારવામાં આવે છે. જો કે હાલ અચાનક જ કામવાળા બહેનો હડતાળ પર ઉતરી જતાં ખાસ કરીને વર્કિગ વૂમનની મુશ્કેલીમાં વધારો થયો છે. ત્યારે હવે આ સમસ્યાનો ઉકેલ ક્યારે આવે છે તે જોવું રહ્યું.
