પ્રકાશ અને ઉત્સાહનું પર્વ દિવાળીની ઉજવણીનું કાઉન્ટડાઉન શરૂ થઈ ચૂક્યું છે ત્યારે શહેરનાં મુખ્ય બજારમાં ફટાકડાની દુકાનો પર ખરીદીનો માહોલ જામી રહ્યો છે. અવનવી અનેક વેરાયટીના ફટાકડા વચ્ચે પણ જૂના ફટાકડાની માગ યથાવત છે. આ વર્ષે ફટાકડાના ભાવમાં ૨૦ થી ૨૫ ટકાનો ભાવ વધારો થવા છતાં ઘરાકી નીકળી છે.
ફટાકડાના ભાવમાં ૨૦ થી ૨૫ ટકાનો વધારો
2000 પ્રકારના ફટાકડા બજારમાં આવ્યા છે.
મોટાભાગે ફટાકડા ભરતપુર, શિવકાશી, ઇન્દોરથી મગાવવામાં આવે છે.
આ વર્ષે કયા ફટાકડાની માંગ વધી ?
દર વર્ષે ફટાકડામાં વિવિધ વરાઇટી જોવા મળતી હોય છે. આ વર્ષે આર્મી ટેન્ક અને ચાઇનીઝ ચાવીએ આકર્ષણ જમાવ્યું છે. ઉપરાંત ચાઇનીઝ ફટાકડાની પણ ડિમાન્ડ જોવા મળી રહી છે. આ વખતે બાળકોમાં કાર્ટૂન,બાહુબલિ, છોટા ભીમ, ડોરેમોન, પોકેમોન, સ્પાઇડરમેન, સુપરમેન, સિંઘમ, દેશભક્તિમાં બેલેસ્ટિક ટેન્ક,કમાન્ડો અને જુરાસિક ફટાકડાની માગ છે.
બજારમાં ફટાકડાની દુકાનો પર ખરીદીનો માહોલ જામ્યો
બાળકો માટે તો અનેક પ્રકારના ફટાકડા બજારમાં છે. ફૂલઝરથી લઈ સૂતળી બોમ્બ, રોકેટ વગેરે ફટાકડાની ખરીદી પણ શરૂ થવા લાગી છે. ચાંદલિયા, ફૂલઝર, શંભુ, લવિંગિયાં, ભમચકરડી, દેરાણી-જેઠાણી, તારા મંડળ, રોકેટ, લક્ષ્મી બોમ્બ, વ્હીસલ, સૂતળી બોમ્બ, મિર્ચી બોમ્બ, 555, પોપઅપ, ચકલી બોમ્બ સહિત નાના મોટા અનેક ફટાકડાઓ દુકાનોમાં આવી ગયા છે. આ વખતે મોટો અવાજ કરતા ફટાકડા કરતાં રોશની ફેલાવે તેવા ફટાકડાની ડિનાન્ડ વધુ જોવા મળી છે. આકાશમાં જઇને તારા મંડળ રચતા ફટાકડાઓ પણ મોટા પ્રમાણમાં વેચાય છે.
અમદાવાદીઓ કરોડો રૂ.ના ફટાકડાઓ ફોડે છે
2000 પ્રકારના ફટાકડા બજારમાં આવ્યા છે. જેની કિંમત રૂ. 5 થી લઇને 8000રૂ. સુધીની કિંમતનો એક પિસ મળે છે. મોટાભાગે ફટાકડા રાજસ્થાન, ભરતપુર, શિવકાશી, ઇન્દોરથી મગાવવામાં આવે છે. દિવાળી દરમિયાન અમદાવાદીઓ કરોડો રૂ.ના ફટાકડાઓ ફોડે છે. 150 પ્રકારના ફટાકડાનાં નામ હોય છે.