અમદાવાદ / અમદાવાદ : કૉન્સ્ટેબલની હત્યાના આરોપી મનીષ બલાઈને આજીવન કેદ, કોર્ટે કહ્યું આ રેરેસ્ટ ઓફ રેર કેસ નથી

• 2016માં કોન્સ્ટેબલની હત્યા થઈ હતી 
• પોલીસ સ્ટેશનમાં હત્યા કરીને આરોપી ભાગી ગયો હતો 
• કોર્ટે આરોપીને આજીવન કેદની સજા ફટકારી

2016માં ક્રાઈમબ્રાંચના કોન્સ્ટેબલ ચંદ્રકાંત મકવાણની હત્યા થઈ હતી. જે મામલે આજે સેનન્સ કોર્ટ દ્વારા સુનાવણી હાથ ધરવામાં આવી. કોર્ટ દ્વારા હત્યાના આરોપી મનિષ બલાઈને આજીવન કેદની સજા ફટકારવામાં આવી છે. સિટિ સિવિલ કોર્ટ દ્વારા નોંધ લેવામાં આવી કે આ કેસ ગંભીર છે જેથી કોર્ટ દ્વારા આરોપીને આજીવન કેદની સજા આપવામાં આવી છે. 

નાર્કોટિક્સના ગુનામાં ધરપકડ 

20 એપ્રિલ 2016ના રોજ આરોપી મનિષ બલાઈની નાર્કોટિક્સના ગુનામાં ધરપકડ કરવામાં આવી હતી. જેમા ક્રાઈમ બ્રાંચની ઓફિસમાંજ આરોપીની પૂછપરછ કરવામાં આવી હતી. પૂછપરછ કર્યા બાદ અધિકારીઓ ઘરે જતા રહ્યા હતા. જોકે તે સમયે કોન્સ્ટેબલ ચંદ્રકાંત મકવાણા ત્યા પોલીસ સ્ટેશનમાંજ રહીને વોચ રાખી રહ્યા હતા. 

માથામાં પાઈપ મારીને આપ્યો હત્યાને અંજામ 

જે સમયે કોન્સ્ટેબલ વોચ રાખી રહ્યા હતા તે સમયે આરોપીએ તકનો લાભ ઉઠાવીને કોન્સ્ટેબલના માથાના ભાગે પાઈપનો ફટકો માર્યો હતો. જેના કારણે કોન્સ્ટેબલનું ઘટના સ્થળેજ મોત નિપજ્યું હતું. હત્યાને અંજામ આપીને આરોપી ત્યાથી ભાગી છૂટ્યો હતો. જોકે ઘટનાની ગંભીરતાને ધ્યાને રાખે પોલીસે તે સમયે તપાસનો ધમધમાટ વધાર્યો હતો. 

મોબાઈલ લોકેશનથી કરી આરોપીની ધરપકડ 

આરોપી હત્યાને અંજામ આપીને ટ્રેન મારફતે વડોદરાના મીયાણીમાં ભાગી ગયો હતો. જ્યા પોલીસે મોબાઈલ ફોન લોકેશનના આધારે તેને ઝડપી પાડ્યો હતો. સમગ્ર મામલે સિટી સિવિલ કોર્ટ દ્વારા એવું કહેવામાં આવ્યુ રેર કેસ નથી. જેથી કોર્ટ દ્વારા આરોપીને આજીવન કેદની સજા ફટકારવામાં આવી છે.