BIG BREAKING / IPL 2023નું શિડ્યુલ જાહેર, 31 માર્ચે પહેલી મેચ અમદાવાદમાં, ગુજરાત-ચેન્નાઈ ટકરાશે, જુઓ આખું લિસ્ટ

• IPL 2023નું શેડ્યૂલ જાહેર
• 31 માર્ચથી શરૂ થશે  IPL 2023
• ટૂર્નામેન્ટની ટાઈટલ મેચ 21 મેના રોજ રમાશે

ઈન્ડિયન પ્રીમિયર લીગ (IPL)ના ચાહકો માટે સારા સમાચાર સામે આવ્યા છે. ભારતીય ક્રિકેટ કંટ્રોલ બોર્ડ (BCCI)એ IPL 2023નું શેડ્યૂલ જાહેર કર્યું છે. આ વખતે IPL 31 માર્ચથી શરૂ થશે. ટૂર્નામેન્ટની ટાઈટલ મેચ 21 મેના રોજ રમાશે. આ વખતે ટૂર્નામેન્ટમાં કુલ 70 લીગ મેચો રમાશે.

ગુજરાત ટાઈટન્સ અને ચેન્નાઈ સુપર કિંગ્સ વચ્ચે રમાશે મેચ
આ વખતે IPLમાં ઓપનિંગ મેચ અમદાવાદમાં હાર્દિક પંડ્યાની કેપ્ટનશિપ હેઠળની ગુજરાત ટાઇટન્સ અને મહેન્દ્ર સિંહ ધોનીની ચેન્નાઈ સુપર કિંગ્સ (CSK) વચ્ચે રમાશે.

Full schedule of IPL 2023. pic.twitter.com/9WdSMFejBG

— Johns. (@CricCrazyJohns) February 17, 2023

આ વખતે કુલ 70 લીગ મેચો રમાશે
IPL 2023 સિઝનની ઓપનિંગ મેચ અમદાવાદમાં રમાશે. આ વખતે ટૂર્નામેન્ટમાં 10 ટીમોની વચ્ચે કુલ 70 લીગ મેચો રમાશે. આ દરમિયાન ફેન્સને 18 ડબલ હેડર જોવા મળશે. ડબલ હેડર એટલે એક દિવસમાં બે મેચ રમાશે.

2 એપ્રિલે રાજસ્થાન રોયલ્સ અને રાજસ્થાન રોયલ્સ વચ્ચે મેચ
IPL 2022માં ગુજરાત ટાઇટન્સે ટાઇટલ જીત્યું હતું. ગુજરાત ટાઇટન્સે ફાઈનલ મેચમાં સંજુ સેમસનની કેપ્ટશિપવાળી રાજસ્થાન રોયલ્સની ટીમને હરાવી હતી. આ વખતે માત્ર ગુજરાતની ટીમ જ ટૂર્નામેન્ટની આપનિંગ મેચ રમશે. જ્યારે આ વખતે રાજસ્થાનની ટીમ તેની પ્રથમ મેચ 2 એપ્રિલે રમશે. તે સનરાઇઝર્સ હૈદરાબાદ સાથે ટકરાશે.

IPL 2023ની પ્રથમ 5 મેચ
- ચેન્નાઈ સુપર કિંગ્સ અને  ગુજરાત ટાઇટન્સ, 31 માર્ચ 
- પંજાબ કિંગ્સ અને કોલકાતા નાઈટ રાઈડર્સ, 1 એપ્રિલ 
- લખનઉ સુપર જાયન્ટ્સ અને દિલ્હી કેપિટલ્સ, 1 એપ્રિલ
- સનરાઈઝર્સ હૈદરાબાદ અને રાજસ્થાન રોયલ્સ, 2 એપ્રિલ
- રોયલ ચેલેન્જર્સ બેંગ્લોર અને મુંબઈ ઈન્ડિયન્સ, 2 એપ્રિલ

IPL 2023ના ગ્રુપ
ગ્રુપ-A: મુંબઈ ઈન્ડિયન્સ, કોલકાતા નાઈટ રાઈડર્સ, રાજસ્થાન રોયલ્સ, દિલ્હી કેપિટલ્સ, લખનઉ સુપર જાયન્ટ્સ.
ગ્રુપ-B: ચેન્નાઈ સુપર કિંગ્સ, પંજાબ કિંગ્સ, સનરાઈઝર્સ હૈદરાબાદ, રોયલ ચેલેન્જર્સ બેંગ્લોર, ગુજરાત ટાઇટન્સ.

10 ટીમો 12 સ્થળો પર કુલ 70 લીગ મેચ રમશે
IPL 2023ની મેચો કુલ 12 સ્થળો પર રમાશે. આ વખતે ગુવાહાટી, ધર્મશાળામાં પણ IPL મેચો યોજવાની  છે. આ વખતે મેચો અમદાવાદ, મોહાલી, લખનઉ, હૈદરાબાદ, બેંગ્લોર, ચેન્નાઈ, દિલ્હી, કોલકાતા, જયપુર, મુંબઈ, ગુવાહાટી, ધર્મશાળાના સ્ટેડિયમમાં રમાશે.