કોલકાતા / કોરોનાને લઈને ભાજપે મોદીજીના નામનો ઉપયોગ એવી જગ્યાએ કર્યો કે હસવું રોકી નહીં શકો

• બંગાળ ભાજપે વહેંચેલાં માસ્ક ઉપર લખ્યું, ‘મોદીજી કોરોનાથી બચાવી લો!’
• કોરોના જેવા ગંભીર મુદ્દે પણ રાજનીતિ કરનારા ભાજપની ચોમેરથી આકરી ટીકા
• તૃણમૂલ કોંગ્રેસ આ સ્ટંટને હલકી રાજનીતિ ગણાવી રહી છે

પશ્ચિમ બંગાળમાં ભાજપ દ્વારા લોકો વચ્ચે એવાં માસ્ક વહેંચવામાં આવી રહ્યાં છે, જેના પર વડા પ્રધાન નરેન્દ્ર મોદીને કોરોના વાઈરસથી બચાવી લેવાની વિનંતી કરવામાં આવી છે. કોરોના જેવા ગંભીર મુદ્દે પણ રાજનીતિ કરનારા ભાજપની હાલ સોશિયલ મીડિયા પર બહુ આકરી ટીકા થઈ રહી છે.

કોલકાતામાં ભાજપના રાજ્ય એકમના સ્થાનિક નેતાઓએ લોકોને એવાં માસ્કનું વિતરણ કર્યું છે, જેના પર લખ્યું છે કે મોદીજી અમને કોરોના વાઈરસના ચેપથી બચાવી લો. માસ્ક પર બિનજરૂરી રીતે વડાપ્રધાન નરેન્દ્ર મોદીના નામનો ઉલ્લેખ કરીને બંગાળ ભાજપના નેતાઓ ફસાઈ ગયા છે. તૃણમૂલ કોંગ્રેસ (ટીએમસી) આ સ્ટંટને હલકી રાજનીતિ ગણાવી રહી છે.