TMKOC / 8 વર્ષ બાદ ટપ્પૂએ કહ્યું તારક મહેતા...ને અલવિદા, નવા કામની જાહેરાતથી ફેન્સ થયા સરપ્રાઈઝ

• ટપ્પૂએ કહ્યું તારક મહેતા...ને અલવિદા
• 8 વર્ષ સુધી કર્યું લોકોનું મનોરંજન
• ભવ્ય ગાંધી હવે  જોવા મળશે ગુજરાતી ફિલ્મોમાં

તારક મહેતા કા ઉલ્ટા ચશ્મામાં ભવ્ય ગાંધી એટલે કે ટપ્પૂના રોલને સૌ કોઈ યાદ રાખશે. 8 વર્ષ સુધી સતત કામ કર્યા બાદ હવે તેણે સીરિયલને અલવિદા કહ્યું છે. ઘર ઘરમાં ભવ્ય ગાંધી ટપ્પૂના નામે ફેમસ થઈ ચૂક્યો છે અને દર્શકોનું દિલ જીતવામાં સફળ રહ્યો છે. 

હવે કરશે આ કામ
ચાઈલ્ડ એક્ટર તરીકે કામ કરીને ફેમસ થયા બાદ અને લાંબા સમય સુધી દર્શકોનું મનોરંજન કર્યા બાદ હવે તે ફિલ્મો કરવાનો પ્લાન કરી  રહ્યો છે. તેના કહેવા અનુસાર તે હવેથી ગુજરાતી ફિલ્મોમાં જોવા મળશે. માહિતી અનુસાર શો પીક પર આવ્યો ત્યારે ભવ્ય ગાંધીએ આ નિર્ણય લીધો છે પરતું તેનું કહેવું છે કે કોઈ રોલમાં પોતાને ફેરવી લેવું એ એક મોટી વાત છે. જો કે દર્શકો માટે ભવ્ય ગાંધીનું ફિલ્મોમાં કામ કરવું એ મોટું સરપ્રાઈઝ રહેશે. 

આ ફિલ્મોમાં કરી ચૂક્યો છે કામ
આ પહેલા ભવ્ય ગાંધી પપ્પા તમને નહીં સમજાય અને બઉ ન વિચાર જેવી ફિલ્મોમાં કામ કરી ચૂક્યો છે. બંને ફિલ્મોને ખૂબ સારો રિસ્પોન્સ પણ મળ્યો છે. 

હાલમાં શું કરે છે ભવ્ય ગાંધી
હાલમાં તે શૂટિંગથી બ્રેક લઈને ફેમિલી સાથે ઘરે સમય પસાર કરી રહ્યો છે. જલ્દી ભવ્ય ગાંધી આવનારા પ્રોજેક્ટ્સની જાહેરાત કરશે. ભલ્ય સેટ પર મસ્તી કરે છે અને સાથે શૂટિંગ સમયે પરસેવો વહાવતા પણ જોવા મળે છે. ફૂંક મારીને વાળ ઉડાડવાનો તેનો અંદાજ આજે પણ લોકોના મનમાં છાપ છોડી ચૂક્યો છે. 

ફોટો સોર્સ - facebook.com/BhavyaGandhi97/