શુભારંભ / સ્વામિત્વ યોજના હેઠળ PM મોદીએ સંપત્તિ માલિકો માટે આજથી શરૂ કર્યુ આ મોટું કામ

• સ્વામિત્વ યોજનાનો શુભારંભ
• સંપત્તિ ધારકોને કાર્ડ એનાયત થયા
• જેમની પાસે મોટી સંપત્તિ છે તેમના લાભની આ યોજના 

ચાર લાખ સંપત્તિ માલિકોને ઈ સંપત્તિ કાર્ડ વિતરીત કરાયા 

પ્રધાનમંત્રી ચાર લાખ કરતા પણ વધારે સંપત્તિ માલિકોને તેમના ઈ સંપત્તિ કાર્ડ વિતરીત કર્યાં હતા. પ્રધાનમંત્રી કાર્યાલય દ્વારા જારી નિવેદન અનુસાર, કેન્દ્રીય મંત્રી તોમરની હાજરીમાં દેશભરમાં સ્વામિત્વ યોજનાના અમલીકરણની શરુઆત થઈ છે. 

જેમની પાસે જેટલી જમીન હોય તેટલું પ્રોપર્ટી કાર્ડ આપવામાં આવે છે

પ્રધાનમંત્રીએ જણાવ્યું કે આપણા દેશની પ્રગતિ અને સંસ્કૃતિની નેતાગીરી આપણા ગામોએ લીધા છે. તેથી આજે દેશ, તેની દરેક નીતિ અને દરેક પ્રયાસના કેન્દ્રમાં ગામડાઓને રાખીને આગળ ધપી રહ્યો છે. ગયા વર્ષે જે 6 રાજ્યોમાં સ્વામિત્વ યોજનાની શરુઆત થઈ હતી ત્યાં એક વર્ષમાં તેની અસર જોવા મળી છે. સ્વામિત્વ યોજનામાં ડ્રોનથી આખા ગામની સંપત્તિઓનો સરવે કરવામાં આવે છે, જેમની પાસે જેટલી જમીન હોય તેટલું પ્રોપર્ટી કાર્ડ આપવામાં આવે છે. 

ચાર લાખ કરતા પણ વધારે સંપત્તિ માલિકોને ઈ પ્રોપર્ટી કાર્ડ એનાયત કરાયા
પાંચ હજાર ગામડાઓમાં ચાર લાખ કરતા પણ વધારે સંપત્તિ માલિકોને ઈ પ્રોપર્ટી કાર્ડ એનાયત કરાયા છે. પ્રધાનમંત્રીએ જણાવ્યું કે મારુ રાજ્યોને સૂચન છે કે ગામમાં દસ્તાવેજ તૈયાર થયા બાદ જો કોઈ વ્યક્તિ બેન્ક લોન લેવા માંગતો હોય તો એ સુનિશ્ચિત કરવામાં આવે કે તેને બેન્ક લોન લેવામાં કોઈ અડચણ ન આવે. હું બેન્કોને પણ અપીલ કરું છું કે તેઓ એક પ્રોપર્ટી કાર્ડનુ ફોર્મેટ બનાવે જે બેન્કોમાં લોન માટે સ્વીકાર્ય હોય. આધુનિક ભારતમાં ગામડાઓ સમર્થ હોય, આત્મનિર્ભર હોય તેવો અમારો પ્રયાસ છે. 

6.62 લાખ ગામડાઓને સામેલ કરવામાં આવશે 
આ યોજનામાં 2021-25 દરમિયાન સમગ્ર દેશના લગભગ 6.62 લાખ ગામડાઓને સામેલ કરવામાં આવશે. યોજનાના પાયલટ તબક્કામાં મહારાષ્ટ્ર, કર્ણાટક, હરિયાણા, યુપી, ઉત્તરાખંડ,મધ્યપ્રદેશ અને પંજાબ તથા રાજસ્થાનના કેટલાક ગામડાઓમાં લાગુ પાડવામાં આવી હતી.