નામંજૂર / સુશાંત કેસઃ રિયા અને તેના ભાઇની જામીન અરજી ફગાવી, કોર્ટે આપ્યું આ કારણ

ડ્રગ્સ કેસની તપાસ કરી રહેલી NCBને સતત સફળતા મળી રહી છે. શોવિકના કોલેજ મિત્ર સૂર્યદિપ મલ્હોત્રાની પૂછપરછ કર્યા બાદ ગોવાથી પકડાયેલા ડ્રગ્સ પેડલર ક્રિસ કોસ્ટાની ધરપકડ કરી લેવામાં આવી હતી. 

ક્રિસ કોસ્ટને 17 સપ્ટેમ્બર અને સૂર્યદીપના 18 સપ્ટેમ્બર સુધી NCBની કસ્ટડીમાં મોકલી દેવામાં આવ્યાં છે. 

મીડિયા રિપોર્ટમાં અધિકારીઓના હવાલેથી જણાવામાં આવ્યું છે કે સુશાંતસિંહના મૃત્યુની તપાસમાં બંનેની ધરપકડ કરવામાં આવી. આ રીતે અત્યાર સુધી રિયા અને શોવિક સહિત કુલ 18 લોકોની ધરપકડ કરવામાં આવી ચૂકી છે. 

આ સાથે જ વિશેષ NDPS કોર્ટે ડ્રગ્સ કેસના આરોપી રિયા ચક્રવર્તીની જામીન અરજીને ફગાવી દીધી છે. કોર્ટે જામીન આપવાથી ઇન્કાર કરતા કહ્યું કે જો તેને અત્યારે જામીન પર મુક્ત કરવામાં આવશે તો અન્ય લોકોને સતર્ક કરી દેશે અને તેઓ પુરાવાને નષ્ટ કરી શકે છે. 

વધારાના સત્ર ન્યાયાધીસ જીબી ગુરાઓએ 11 સપ્ટેમ્બરની જામીન અરજી પર સુનાવણી કરતાં કહ્યું કે તપાસ હાલમાં પ્રારંભિક તબક્કામાં છે અને જો આરોપી બહાર આવી જશે તો પુરાવાઓનો નાશ કરી શકે છે.