ક્રાઈમ / આવા હવસી તો ડામને લાયક ! સુરતમાં 11 વર્ષની દીકરી પર 50 વર્ષના નરાધમનો રેપ, હોસ્પિટલમાં ભાંડો ફૂ્ટ્યો

• સુરતમાં 11 વર્ષની સગીરા પર દુષ્કર્મ
• 50 વર્ષના નરાધમનું કારસ્તાન
• પૌત્રી સમાન સગીરાને ભોગ બનાવી

surat crime news : સુરતના મહુવા તાલુકાના એક ગામમાં 11 વર્ષીય સગીરા પર 50 વર્ષીય નરાધમે વારંવાર લાલચ આપી દુષ્કર્મ આચરતાની ફરિયાદ નોંધાઈ છે. સોસાયટીના ફળિયામાં રહેતા અને મજૂરી કરીને ગુજરાન ચલાવતા દંપતીની દીકરી ઘરમાં એકલી રહેતી હતી. જેનો લાભ ઉઠાવી નરાધમે વારંવાર થોડા પૈસાની અને ચોકલેટ પીપરની લાલચ આપી શરીરસંબંધ બાંધ્યા હતા.

પોલીસે નરાધમની ધરપકડ કરી
આરોપી સુખા હળપતિ ખાનગી ફાર્મ હાઉસમાં નોકરી કરતો હોવાનું સામે આવ્યું છે. સમગ્ર ઘટનાનો ભાંડો ત્યારે ફૂટ્યો જ્યારે સગીરાના પ્રાઇવેટ ભાગમાં સમસ્યા થતા તે સરકારી હોસ્પિટલમાં સારવાર માટે ગઈ હતી. આ દરમિયાન તબીબોને શંકા જતા તેમને વધુ સારવાર માટે સુરત મોકલી હતી જ્યાં સગીરા સાથે દુષ્કર્મ થયો હોવાનું સામે આવ્યું હતું. પોતે જેને દાદાજી કહીને સંબોધતી હતી તેજ લંપટ આધેડે પોતાની પૌત્રી સમાન સગીરાને ભોગ બનાવતા સગીરાની માતાએ મહુવા પોલીસ સ્ટેશનમાં ફરિયાદ નોંધાવી હતી. પોલીસે નરાધમ સુખા હળપતિની ધરપકડ કરી વધુ તપાસ હાથ ધરી છે.

લાલચ આપી વારંવાર આચર્યું દુષ્કર્મ
ગત 8 માસના સમયગાળા દરમિયાન સગીરાની એકલતા જોઈ ઘરના દરવાજા બંધ કરી આરોપી જબરજસ્તી પૂર્વક સગીરા પર દૂષ્કર્મ આચરતો હતો. આ દરમિયાન ગુપ્ત ભાગે એલર્જી નીકળી આવતા સગીરાને સરકારી હોસ્પિટલમાં તપાસ કરાવી હતી. જે દરમિયાન સગીરાને વધુ સારવાર માટે સુરતની હોસ્પિટલમાં લઈ જવામાં આવી હતી. જે દરમિયાન સગીરા સાથે શારીરિક સંબંધ બંધાયો હોવાનું જાણવા મળ્યું હતું.