દીપડાનો ભય / અડધી રાતનો સમય.., અચાનક જ આવ્યો દીપડો અને ખેતરમાં 30 મિનિટ સુધી ખેડૂત સામે બેસી રહ્યો: વડોદરામાં ચોંકાવનારી ઘટના

• ગોંડલમાં ખેતરમાં કામ કરતા શ્રમિક પર  દીપડાએ કર્યો હુમલો  
• વાડીએ શ્રમીક સૂતો હતો તે સમયે દિપડાએ હુમલો 
• દિપડાએ હુમલો કરતા માથા અને હાથમાં સામાન્ય ઈજા 
• વડોદરાના ચાંદોદમાં દિપડો આવી જતાં ખેડૂતોની બૂમાબૂમ
• 30 મિનિટ સુધી ખેડૂત સામે બેસી રહ્યો દીપડો

Leopard Attacks : ગુજરાતમાં ફરી એકવાર દીપડાએ શ્રમિક પર હુમલો કર્યાની ઘટના સામે આવી છે. ગોંડલમાં શ્રમિક પર દીપડાએ હુમલો કર્યો તો વડોદરામાં મધરાત્રે દીપડો આવી ગયો હતો. વિગતો મુજબ ગોંડલમાં એક શ્રમિક ખેતરમા હતો. આ દરમિયાન અચાનક દીપડાએ હુમલો કરતાં શ્રમિકને માથા અને હાથમાં ઇજાઓ પહોંચતા સારવાર અર્થે ખસેડવામાં આવ્યો હતો. આ તરફ વડોદરામાં પણ ખેતરમાં કામ કરતી વખતે અચાનક જ દીપડો આવી ચડ્યો હતો. 

ગોંડલમાં દીપડાએ કર્યો હુમલો 
ગોંડલ તાલુકાના કેશવાળા ગામે શ્રમિક પર દીપડાએ હુમલો કર્યાની ઘટના સામે આવી છે. વિગતો મુજબ મૂળ મધ્યપ્રદેશનો ચમારીયા સુરેશ વાડી સૂઈ ગયો હતો. આ દરમિયાન અચાનક દીપડાએ આવી હુમલો કરી દીધો હતો. આ ઘટનામાં શ્રમિકને માથા અને હાથમાં સામાન્ય ઈજા પહોંચી હોઇ તાત્કાલિક સારવાર અર્થે ખસેડવામાં આવ્યો હતો. ઘટનાને લઈ ગોંડલ ફોરેસ્ટ વિભાગે ઘટના સ્થળે દોડી જઈને તપાસ હાથ ધરી હતી. 

વડોદરાના ચાંદોદમાં દિપડો આવી જતાં ખેડૂતોની બૂમાબૂમ
આ તરફ વડોદરાના ચાંદોદમાં દિપડો આવી જતાં ખેડૂતોએ બૂમાબૂમ કરી મૂકી હતી. ઘટનાની વિગતો મુજબ ખેતરમાં કામ કરતી વખતે અચાનક દીપડો આવી ગયો હતો. જે બાદમાં 
30 મિનીટ સુધી દીપડો ખેડૂત સામે બેસી રહ્યો હતો. આ તરફ દીપડાને જોઇ ખેડૂતનો જીવ પડીકે બંધાયો હતો. જોકે બાદમાં દીપડાની આવનજાવનને લઇ વનવિભાગને જાણ કરાઇ હતી. જેમાં ખેતરમાં ફરતા 3 જેટલા દીપડા પકડવા રજૂઆત કરાઇ હતી.