અહો..આશ્ચર્યમ / ભારતમાં નોંધાયો અદભૂત કિસ્સો, 105 વર્ષની દાદીએ ઘરે રહીને આપી કોરોનાને માત

• કર્ણાટકના કોપલ જિલ્લામાં નોંધાયો અદભૂત અને પ્રેરણાદાયક કિસ્સો 
• 105 વર્ષની મહિલાએ પોતાના ઘરે રહીને જ આપી કોરોનાને માત 
• ડૉક્ટરની પર્સનલ દેખરેખ હેઠળ કમલામ્મા સ્વસ્થ થયા હતા

કર્ણાટકના કોપલ જિલ્લામાં, 105 વર્ષીય મહિલાએ ઘરેલુ સારવારની મદદથી કોવિડ -19 ને હરાવ્યો હતો. કમલામ્મા લિંગનાગૌડા હિરેગૌડર કોપલ વિસ્તારના કતારકી ગામના રહેવાસી છે. સૂત્રોના જણાવ્યા અનુસાર, આ વૃદ્ધ મહિલાની તાવ આવતા ગયા અઠવાડિયે તેની તપાસ કરવામાં આવી હતી. તપાસમાં તેને કોરોના વાયરસના ચેપની પુષ્ટિ થઈ હતી.

મહિલાને તેના આરોગ્યની વધુ ચિંતા નહોતી, તેથી ઘરે રહીને સારવાર લેવાનું નક્કી કર્યુ હતું

જો કે મહિલાને તેના આરોગ્યની વધુ ચિંતા નહોતી, તેથી તેણે હોસ્પિટલમાં જવાની ના પાડી અને પુત્રના ઘરે એકાંતમાં રહીને સારવાર લેવાનું નક્કી કર્યું. વ્યવસાયે ડોક્ટર પૌત્ર શ્રીનિવાસ હયાતીની દેખરેખ હેઠળ ઘરે સારવાર કરાવી કમલામ્મા સ્વસ્થ થઈ.

તેમના પુત્ર ડોકટરે જ ઘરે કરી તેમની સારવાર 

પત્રકારો સાથે વાત કરતા કમલામ્માના પૌત્રએ કહ્યું કે તેની ઉંમરને ધ્યાનમાં રાખીને ઘરે સારવાર કરવી પડકારજનક છે. જો કે, અન્ય કોઈ સ્વાસ્થ્ય સમસ્યાઓના કારણે તેમને સામાન્ય સારવાર આપવામાં આવી હતી અને તેણે કોવિડ -19 ને હરાવી હતી. હવે તે અન્ય લોકો માટે પ્રેરણા બની છે.

મહિલાએ જો કે પહેલા ખોરાક લેવાની ના પડી હતી, પરંતુ ત્યાર બાદમાં તે દળીયો લેવા રાજી થઈ ગઈ હતી. તેને જો કે માર્યાદિત દવાઓ જ આપવામાં આવી હતી. શનિવાર સાંજ સુધીમાં, કોરોનાના ચેપના કુલ 8,802 કેસ કોપલ જીલ્લામાં નોંધાયા હતા, જેમાંથી 186 દર્દીઓ મૃત્યુ પામ્યા છે અને 6,870 લોકો ઠીક થયા હતા.