1 હજાર વર્ષમાં જે ગુમાવ્યું છે તે ફરી આવનારા 25 વર્ષમાં મેળવવાનું છે
ખાલી ડીગ્રી કામ નહી આવે સ્કિલ એજ્યુકેશન જરુરી છે : ઋષીકેશ પટેલ
ગાંધીનગરમાં ગ્લોબલ ક્વોલિટી એજ્યુકેશન કાર્યક્રમ યોજાયો હતો. જેમાં મંત્રી ઋષિકેશ પટેલ સહિતના નેતાઓએ હાજરી આપી હતી. આ દરમિયાન ઋષિકેશ પટેલે યુવાનોને ટકોર કરતા કહ્યું હતું કે પહેલા નાલંદા અને તક્ષશિલામાં શિક્ષણ લેવા લોકો આવતા હતા. હવે આપણે ફરી ભારતને એવુ બનાવવાનું છે. તેઓએ કહ્યું કે 1 હજાર વર્ષમાં જે ગુમાવ્યું છે તે હવે ફરી આવનારા 25 વર્ષમાં મેળવવાની દિશાના એક બની કાર્ય કરવાનું છે.
Had a wonderful opportunity to share my thoughts and participate in a remarkable event centered around the theme of "Positioning Gujarat as a Global Hub for Quality Education." The event focused on shaping a visionary approach to establish Gujarat as the preferred destination for… pic.twitter.com/LEdQw2sW8a
શસ્ત્ર અને શાસ્ત્ર બંને હાથમાં રાખવું અને આંખમાં આંખ મિલાવવી જરૂરી
શિક્ષણ મેળવી આપવામાં આવતી ખાલી ડિગ્રી કામ નહીં આવે. વ્યવહારુ જ્ઞાન,સ્કિલ એજ્યુકેશન આ જમાનામાં ખૂબ જ જરૂરી છે. તેમણે એક વાતનો રંજ અનુભવી કહ્યું કે આપણે રીસર્ચ એન્ડ ડેવલપમેન્ટમાં હજુ પાછળ છીએ. જે દૂર કરવાની અને આવનારા 25 વર્ષ તૈયાર કરવાની જવાબદારી આપણી છે. તેઓએ કહ્યું કે શસ્ત્ર અને શાસ્ત્ર બંને હાથમાં રાખવું અને આંખમાં આંખ મિલાવવી જરૂરી છે. મંત્રીએ કહ્યું કે શિક્ષણ ક્ષેત્રે લોકોમાં ક્રાંતિ લાવવા અને ક્વોલિટી એજ્યુકેશન માટે PM મોદીએ શાળા પ્રવેશોત્સવ અને ગુણોત્સવ સહિતના કર્યો કર્યા છે.
આપણે રીસર્ચ એન્ડ ડેવલપમેન્ટમાં આપણે હજુ પાછળ છીએ
આપણી ભુલોના કારણે ઘણુ ગુમાવવાનો વારો આવ્યો છે. પરંતુ હવે આપણે આર એંન્ડ ડી પાછળ પૈસા પણ ઓછા ખર્ચ કરીએ છીએ. વધુમાં ભારતની ટેક્નોલોજી વિદેશના લોકોમાં પણ માંગ છે. આપણે હવે ક્રાયોજેનિક એંજિન પણ બનાવતા થયા છીએ.
