સ્પોર્ટ્સ / IND vs WI: વેસ્ટ ઈન્ડિઝનું જબરદસ્ત કમબેક, હાર ટાળવા 97 રન બચ્યા, ટીમ ભારતનું ટેન્શન હાઈ

અરુણ જેટલી સ્ટેડિયમમાં યોજાઈ રહેલા બીજા ટેસ્ટ મેચના ત્રીજા દિવસના અંતે વેસ્ટઇન્ડીઝે 2 વિકેટના નુકસાને 173 રન બનાવ્યા. ભારતીય ટીમે વેસ્ટઇન્ડીઝની પ્રથમ ઇનિંગ 248 રન પર જ આઉટ સમેટી હતી. જેના કારણે કેરેબિયન ટીમને ફોલો-ઓન રમવું પડ્યું. હવે વેસ્ટઇન્ડીઝને જીત માટે 97 રનની જરૂર છે, જ્યારે ભારતને ઇનિંગ્સની જીતની તક મળી શકે છે. કેમ્પબેલ 87 અને શેય હોપ66 રન સાથે ક્રીઝ પર અણનમછે, અને તેમની વચ્ચે 138 રનની ભાગીદારી થઈ ચૂકી છે, જે મેચને રોમાંચક બનાવી રહી છે.

ત્રીજા દિવસની શરૂઆત વેસ્ટઇન્ડીઝે 140/4થી કરી, પરંતુ તેઓ 108 રનમાં 6 વિકેટ ગુમાવી દીધી. કોઈપણ બેટ્સમેન મોટી ઇનિંગ રમી શક્યો નહીં, જેના કારણે તેમની પ્રથમ ઇનિંગ 270 રનથી પાછળ રહી ગઈ હતી . ભારત માટે પ્રથમ ઇનિંગમાં કુલદીપ યાદવે 5 વિકેટ ઝડપીને મેચનું રૂપ બદલી નાખ્યું. વોશિંગ્ટન સુંદર અને મોહમ્મદ સિરાજે પણ મેદાનમાં ઉત્કૃષ્ટ પ્રદર્શન કર્યું. અમદાવાદ ટેસ્ટમાં ભારતે પહેલેથી જ ઇનિંગ્સ અને 140 રનથી જીત મેળવી છે, જે આ સિરીઝમાં તેમની વર્ચસ્વને દર્શાવે છે.

બીજી ઇનિંગમાં વેસ્ટઇન્ડીઝની શરૂઆત સારી નહોતી, જ્યારે 35 રન પર 2 વિકેટ ગુમાવી દીધી. ભારતીય ટીમને જીતની આશા દેખાવ લાગી, પરંતુ કેમ્પબેલ અને હોપની પાર્ટનરશીપએ મેચના પાસાના બદલી નાખ્યા. કેમ્પબેલ, જેમણે 87 રન સાથે શતકની નજીક પહોંચી ગયા છે, તેમણે આક્રમક રમત રમીને ભારતીય બોલરોને પરેશાન કર્યા. હોપે 66 રનની મજબૂત ઇનિંગ રમીને ટીમને મેચમાં જીવંત રાખી.

આ પણ વાંચો: ગાઝા શાંતિ યોજના માટે PM મોદીને આમંત્રણ, દુનિયાના સૌથી પાવરફૂલ નેતાને મળી શકે

તેમની 138 રનની ભાગીદારીએ વેસ્ટઇન્ડીઝને કમબેક આપ્યો. ભારત માટે બીજી ઇનિંગમાં વોશિંગ્ટન સુંદર અને મોહમ્મદ સિરાજે એક-એક વિકેટ લીધી. જો ચોથા દિવસે ભારત આ બંનેને ઝડપી લે, તો ઇનિંગ્સની જીત અને સિરીઝ 2-0થી આગળ વધી જશે. કુલદીપ અને જાડેજા જેવા સ્પિનરોની ભૂમિકા મહત્વની રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ