અસમંજસમાં કોંગ્રેસ / હાઈકમાન્ડની ઐસીતૈસીઃ ગુજરાત કોંગ્રેસ સોનિયા ગાંધીથી ઉપરવટ થઈ ટ્રાફિકના દંડના વિરોધમાં પડી

• કાર્યકરી અધ્યક્ષની મનાઇ છતાં પ્રદેશ કોંગ્રેસે કર્યો વિરોધ
• ટ્રાફિક કાયદાના વિરોધ સામે ગુજરાત કોંગ્રેસે છેડ્યું અભિયાન
• ધાનાણીએ 'હર હર મેમો, ઘેર ઘેર મેમો'ના હેઝટેગ પર કર્યો વિરોધ

સોનિયા ગાંધીએ વધુમાં કહ્યું હતું કે, કાયદો લાગુ કરવા દરમિયાન ખોટી કાર્યવાહી કરવામાં આવે તેનો વિરોધ કરવામાં આવે. સોનિયા ગાંધીએ આ નિવેદન એવા સમયે કર્યું હતું જ્યારે નવા મોટર વ્હીકલ એક્ટને લાગુ કરવા માટે કોંગ્રેસ શાસિત રાજ્યોમાં અસમંજસની સ્થિતિ દેખાઇ રહી હતી અને કાયદામાં ફેરફાર કરવાની તૈયારી કરી રહ્યા હતા. 

રાજ્યમાં નવા મોટર વ્હીકલ એક્ટના વિરોધમાં કોંગ્રેસ
જો કે કોંગ્રેસના કાર્યકારી અધ્યક્ષ સોનિયા ગાંધીએ નવા મોટર વ્હીકલ એક્ટનો વિરોધ નહીં કરવાનું જણાવ્યું હોવા છતાં પ્રદેશ કોંગ્રેસ દ્વારા ટ્રાફિક કાયદાના વિરોધ સામે અભિયાન છેડવામાં આવ્યું છે. જેમાં કોંગ્રેસ દ્વારા મીસ કોલ કરી લોકોને અભિયાન જોડવા અપીલ કરી છે. 

ટ્રાફિક નિયમને લઇને વિરોધપક્ષના નેતા પરેશ ધાનાણીએ કર્યો વિરોધ
રાજ્યમાં નવા મોટર વ્હીકલ એક્ટનો કોંગ્રેસે વિરોધ કર્યો છે. વિરોધપક્ષના નેતા પરેશ ધાનાણીએ વિરોધ કર્યો છે. ટ્રાફિકના નિયમને લઈને સોશીયલ મીડિયામાં વિરોધ થઇ રહ્યો છે. 'હર હર મેમો, ઘેર ઘેર મેમો'ના હેઝટેગ પર વિરોધ થઇ રહ્યો છે.