લોકસભા ચૂંટણી 2024 / '10 વર્ષમાં સરકારે મોંઘવારી અને બેરોજગારી સિવાય કંઈ નથી આપ્યું' સોનિયા ગાંધીના કેન્દ્ર સરકાર પર પ્રહાર

Lok Sabha Election 2024 : લોકસભા ચૂંટણી પહેલા હવે રાજકીય પક્ષોએ પ્રચાર શરૂ કરી દીધો છે. આજે રાજસ્થાનના જયપુરમાં આયોજિત કોંગ્રેસની એક જનસભામાં સોનિયા ગાંધીએ ભાજપ પર પ્રહાર કર્યા હતા. કોંગ્રેસના ભૂતપૂર્વ અધ્યક્ષ અને વરિષ્ઠ નેતા સોનિયા ગાંધીએ શનિવારે કેન્દ્ર સરકાર પર ઉગ્ર પ્રહારો કર્યા અને કહ્યું કે, છેલ્લા 10 વર્ષથી આપણો દેશ એવી સરકારના હાથમાં છે જેણે મોંઘવારી અને બેરોજગારી સિવાય કશું આપ્યું નથી. આ સરકારે સામાન્ય લોકો પર અત્યાચાર કર્યો છે. આ દેશ માત્ર અમુક લોકોની સંપત્તિ નથી. આ દેશ આપણા સૌનો છે.

हमारा देश पिछले दस साल से एक ऐसी सरकार के हवाले है, जिसने बेरोजगारी, महंगाई, आर्थिक संकट, असमानता और अत्याचार को बढ़ावा देने में कोई कसर नहीं छोड़ी।

इस मोदी सरकार ने जो किया है, वो हमारे आपके सामने है। इसलिए यह समय हताशा से भरा हुआ है, लेकिन जान लीजिए कि हताशा के साथ ही उम्मीद… pic.twitter.com/NOGVMgMZ2v

— Congress (@INCIndia) April 6, 2024

સોનિયા ગાંધીએ વધુમાં કહ્યું કે, ભાઈઓ અને બહેનો આ કાર્યક્રમમાં તમારી વચ્ચે હોવાનો મને ખૂબ જ ગર્વ છે. મિત્રો એક સમયે આપણા મહાન પૂર્વજોએ સખત સંઘર્ષના આધારે આપણને આઝાદી અપાવી હતી. આટલા વર્ષો પછી ચારેબાજુ અન્યાયનો અંધકાર છે. આપણે બધાએ સંકલ્પ લેવો જોઈએ કે આપણે આની સામે લડીશું અને ન્યાયનો પ્રકાશ શોધીશું.

#WATCH | Jaipur: Congress Parliamentary Party Chairperson Sonia Gandhi says "...'Modi ji khud ko mahaan maan kar, desh aur loktantra ki maryada ka cheer haran kar rahe hain'...Opposition leaders are threatened to join the BJP. Today, the democracy of our country is in… pic.twitter.com/dgAImvNzRt

— ANI (@ANI) April 6, 2024

મોદીજી લોકશાહીની ગરિમાને તોડી રહ્યા છે: સોનિયા ગાંધી
સોનિયા ગાંધીએ કહ્યું કે, ભાઈઓ અને બહેનો દેશથી ઉપર થવાનું સ્વપ્ન પણ ન જોઈ શકાય. દેશ કરતા કોઈ મોટો હોઈ શકે? જે આવું વિચારે છે, દેશની જનતા, મારી વહાલી બહેનો, યુવાનો, ખેડૂતો, આદિવાસીઓ અને મજૂરો તેને પાઠ ભણાવો. કમનસીબે આજે આપણા દેશમાં આવા નેતાઓ સત્તા પર છે. પોતાને મહાન ગણતા મોદીજી દેશ અને લોકશાહીની ગરિમા સાથે છેડો ફાડી રહ્યા છે. વિપક્ષી નેતાઓને ડરાવવા અને ભાજપમાં જોડાવવા માટે વિવિધ યુક્તિઓનો ઉપયોગ કરવામાં આવી રહ્યો છે. આજે આપણા દેશની લોકશાહી ખતરામાં છે. પરિશ્રમથી બનેલી લોકતાંત્રિક સંસ્થાઓ રાજકીય સત્તા દ્વારા નષ્ટ થઈ રહી છે. આપણા બંધારણને બદલવાનું ષડયંત્ર રચવામાં આવી રહ્યું છે. આ બધી સરમુખત્યારશાહી છે અને આપણે બધા આ સરમુખત્યારશાહીનો જવાબ આપીશું.

વધુ વાંચો : કોબ્રા કાંડમાં પોલીસે દાખલ કરી 1200 પેજની ચાર્જશીટ, એલ્વિશ યાદવ સહિત 8 લોકોના નામ સામેલ

મધ્યમ વર્ગ અને ખેડૂતોના બાળકો બેરોજગાર
આ સાથે સોનિયા ગાંધીએ કહ્યું કે, આજે રોજની કમાણીમાંથી ખાદ્યપદાર્થો મેળવવો પણ મુશ્કેલ છે. મહેનતુ કામદારોની મહેનતનું મૂલ્ય ઘટી રહ્યું છે. રસોડામાં રહેવાનો ખર્ચ મારી બહેનોની વારંવાર કસોટી કરી રહ્યો છે. ખેડૂતો અને મધ્યમ વર્ગના પરિવારોના છોકરા-છોકરીઓ બેરોજગાર છે. ગરીબ વ્યક્તિ ગમે તેટલો પ્રયત્ન કરે, શક્તિ, સફળતા અને પ્રકાશ તેના સુધી પહોંચી શકતા નથી. મિત્રો આજે દેશ તમારી જાગૃતિની રાહ જોઈ રહ્યો છે. આથી કોંગ્રેસે પોતાના મેનિફેસ્ટોને પાંચ ભાગમાં વહેંચી દીધો છે. મને વિશ્વાસ છે કે, કોંગ્રેસના સાથીદારો સખત મહેનત કરશે અને તેના દરેક સંકલ્પો અને બાંયધરીઓને દેશના ખૂણે ખૂણે પહોંચાડવામાં કોઈ કસર છોડશે નહીં.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો