નોઇડા / કોબ્રા કાંડમાં પોલીસે દાખલ કરી 1200 પેજની ચાર્જશીટ, એલ્વિશ યાદવ સહિત 8 લોકોના નામ સામેલ

Elvish Yadav : યુટ્યુબર એલ્વિશ યાદવની સામે ચાલી રહેલા સાપના ઝેરની દાણચોરીના કેસમાં 1200 પાનાની ચાર્જશીટ દાખલ કરાઇ છે. આ સાથે આ કેસમાં એલ્વિશ સહિત કુલ 8 લોકો સામે ચાર્જશીટ દાખલ કરવામાં આવી છે. ચાર્જશીટમાં એલ્વિશના સાપના પ્રેમીઓ સાથેના સંપર્કોનો ઉલ્લેખ કરવામાં આવ્યો છે. આ સાથે અનેક પુરાવાઓ પણ એકત્ર કરવામાં આવ્યા છે.

બિગ બોસના વિજેતા અને યુટ્યુબર એલ્વિશ યાદવ સહિત 8 લોકો વિરુદ્ધ કોર્ટમાં 1200 પાનાની ચાર્જશીટ દાખલ કરવામાં આવી છે. ચાર્જશીટમાં એલ્વિશ અને રેવ પાર્ટીનું આયોજન કરવા અને સાપનું ઝેર સપ્લાય કરવામાં સામેલ અન્ય લોકો વિરુદ્ધ 24 સાક્ષીઓના નિવેદન નોંધવામાં આવ્યા છે. ચાર્જશીટમાં નોઈડા પોલીસે કહ્યું છે કે, એલ્વિશનો જેલમાં મોકલવામાં આવેલા તમામ સર્પપ્રેમીઓ સાથે સંપર્ક હતો. આરોપી સાપના ઝેરની ખરીદી અને વેચાણના કાળા ધંધામાં સંડોવાયેલો હતો.

Uttar Pradesh: Noida police have filed a chargesheet against Big Boss OTT winner Elvish Yadav and 7 others in the allegations ranging from snake smuggling to organizing rave parties. The charge sheet said that Elvish was in touch with the snake charmers, a poisonous snake and 20…

— ANI (@ANI) April 6, 2024

કોર્ટ સમક્ષ પુરાવા રજૂ કરાશે 
ચાર્જશીટમાં એલ્વિશ સામે લાદવામાં આવેલા NDPS કલમોનો આધાર પણ સમજાવવામાં આવ્યો હતો અને તેના સહયોગીઓ સામેના આરોપોની પુષ્ટિ પણ કરી હતી. તેમજ તેના સહયોગીઓ સામેના આરોપોને સમર્થન મળ્યું છે. પ્રાપ્ત માહિતી અનુસાર મુંબઈના ફોરેન્સિક મેડિસિન ટોક્સિકોલોજી વિભાગના નિષ્ણાતોની સલાહ પણ આમાં સામેલ છે. ડીપી નોઈડા વિદ્યાસાગર મિશ્રાએ કહ્યું કે, તમામ નામના આરોપીઓ વિરુદ્ધ ચાર્જશીટ દાખલ કરવામાં આવી છે. કોર્ટ સમક્ષ પૂરતા પુરાવા રજૂ કરવામાં આવ્યા છે.

વધુ વાંચો: મનીષ સિસોદિયાને કોર્ટમાંથી ન મળી રાહત, જ્યુડિશિયલ કસ્ટડી 18 એપ્રિલ સુધી લંબાઈ

શું હતો સમગ્ર મામલો ?
નોંધનીય છે કે, નવેમ્બરમાં પીપલ્સ ફોર એનિમલ્સ સંસ્થાના એક અધિકારીએ એલ્વિશ યાદવ અને તેના સહયોગીઓ વિરુદ્ધ સેક્ટર 49 પોલીસ સ્ટેશનમાં સાપના ઝેરનો ઉપયોગ કરવાના આરોપમાં કેસ દાખલ કર્યો હતો. સંસ્થાના સભ્યએ સમગ્ર એપિસોડનું સ્ટિંગ ઓપરેશન પણ કર્યું હતું. પકડાયેલા પાંચ સાપ ચાર્મર્સ પાસેથી કોબ્રા સહિત નવ સાપ અને 20 મિલી સાપનું ઝેર મળી આવ્યું હતું. એફએસએલ રિપોર્ટમાં એવું પણ સ્પષ્ટ થયું હતું કે,20 મિલી ઝેર ક્રેટ પ્રજાતિનું હતું. જોકે હવે આ સમગ્ર ઘટનાની તપાસ સેક્ટર 20 પોલીસ સ્ટેશન કરી રહી છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો