વિકાસ / મોદીજી થેન્ક યુ... દોહામાં ભારતીય રૂપિયાનો દબદબો જોઈ મીકા સિંહ થયો ગદગદ

• સિંગર Mika Singhએ ટ્વિટર પર વીડિયો કર્યો પોસ્ટ
• Doha એરપોર્ટ પર ભારતીય રૂપિયાથી પેમેન્ટ કર્યું
• ટ્વિટ થકી PM નરેન્દ્ર મોદીનો માન્યો આભાર

Mika Singh Thanked PM Modi: સિંગર મિકાએ આજે પોતાના ટ્વિટર હેન્ડલ પર વીડિયો પોસ્ટ કર્યો જેમાં તેમણે પ્રધાનમંત્રી મોદીનો ધન્યવાદ માન્યો છે. સિંગરે ટ્વિટમાં લખ્યું કે શુભપ્રભાત. હું #Dohaairportનાં લૂઈ વિટોનનાં સ્ટોરથી ખરીદી કરતાં સમયે ભારતીય રૂપિયાનો ઉપયોગ કરી શક્યો છું જેનો મને ગર્વ છે. તમે કોઈપણ રેસ્ટોરેન્ટમાં હવે રૂપિયાનો ઉપયોગ કરી શકશો.

PM નરેન્દ્ર મોદીને આપી સલામી
સિંગર મિકાએ પોતાના ટ્વિટમાં ભારતીય ચલણનો ઉપયોગ દોહા એરપોર્ટ પર કરી શક્યા હોવાની વાત જણાવી હતી. તેમણે પ્રધાનમંત્રીનો આભાર માનતા લખ્યું કે હવે આપણાં રૂપિયાનો ઉપયોગ પણ ડોલરની રીતે કરી શકવાની સક્ષમતા માટે હું નરેન્દ્ર મોદીને સલામ કરું છું.

અનેક યૂઝર્સે ટ્વીટમાં કમેન્ટ કરી...
મિકાની આ પોસ્ટ પર અનેક લોકોએ કમેન્ટ કરી છે. એક યૂઝરે લખ્યું કે ભારતીય મુદ્રા મજબૂત થઈ રહી છે. તો અન્યએ લખ્યું કે 'નવા ભારતની શક્તિ'

Good morning.
I felt so proud to be able to use Indian rupees whilst shopping at #Dohaairport in the @LouisVuitton store. You can even use rupees in any restaurant.. Isn’t that wonderful? A massive salute to @narendramodi saab for enabling us to use our money like dollars. pic.twitter.com/huhKR2TjU6

— King Mika Singh (@MikaSingh) April 12, 2023

આ દેશોમાં સ્વીકારવામાં આવે છે ભારતીય રૂપિયો
કતાર સિવાય દુબઈ પણ ભારતીય મુદ્રામાં પેમેન્ટ સ્વીકારે છે. આ નવો નિયમ 1 જૂલાઈ 2019થી શરૂ થયો છે અને દુબઈ ઈન્ટરનેશનલ ટર્મિનલ 1,2,3 ની સાથે-સાથે અલ મકતૂમ આંતરરાષ્ટ્રીય એરપોર્ટ પર પણ ભારતીય રૂપિયો સ્વીકારવામાં આવે છે. દુબઈ જ નહીં, ભૂટાન, નેપાળ, બાંગ્લાદેશ, માલદીવ અને જિમ્બાબ્વેમાં પણ ભારતીય રૂપિયામાં પેમેન્ટ સ્વીકારવામાં આવે છે.