આજે સપ્તાહના પ્રથમ ટ્રેડિંગ એટલે કે સોમવારે શેરબજારની શરૂઆત લાલ નિશાન પર થઈ હતી. સેન્સેક્સ અને નિફ્ટી બંને ગબડ્યા હત. કોરોના ઇફેક્ટના કારણે માર્કેટ પર આ અસર જોવા મળી હોવાનું અનુમાન છે.
લાલ નિશાન પર શેરબજારની શરૂઆત
સેન્સેક્સમાં 483 પોઈન્ટનો ઘટાડો
નિફ્ટી 145 પોઈન્ટ ગબડ્યો
નબળા ગ્લોબલ ટ્રેન્ડ્સ વચ્ચે સપ્તાહના પ્રથમ ટ્રેડિંગ દિવસે સોમવારે શેરબજારની શરૂઆત લાલ નિશાન પર થઈ હતી. બોમ્બે સ્ટોક એક્સચેન્જનો 30 શેરો ધરાવતો સેન્સેક્સ ઈન્ડેક્સ 483 પોઈન્ટ અથવા 0.85 ટકાના ઘટાડા સાથે 56,577 પર ખુલ્યો હતો, જ્યારે નેશનલ સ્ટોક એક્સચેન્જનો નિફ્ટી ઈન્ડેક્સ 145 પોઈન્ટ અથવા 0.85 ટકા ઘટીને 17 હજારની નીચે 16,958 પર ટ્રેડ કરવાનું શરૂ કર્યું હતું.
Sensex falls 484 points in early trade, currently at 56,576; Nifty at 16,983
બજાર ખુલતાની સાથે જ લગભગ 786 શેર વધ્યા હતા, 1425 શેર ઘટ્યા હતા અને 118 શેર યથાવત રહ્યા હતા. અગાઉ, શુક્રવારે છેલ્લા ટ્રેડિંગ સપ્તાહના અંતિમ દિવસે, બજાર વધારા સાથે ખુલ્યું હતું અને અંતે લાલ નિશાન પર બંધ થયું હતું.
BSE નો 30 શેરો ધરાવતો SENSEX INDEX 460 પોઈન્ટ અથવા 0.80 ટકાના ઘટાડા સાથે 57,061 પર બંધ થયો હતો, જ્યારે એનએસઈ NIDTY INDEX 142 પોઈન્ટ અથવા 0.83 ટકા ઘટીને 17,102 પર બંધ થયો હતો.