શનિદેવ / શ્વાનની આ રીતે સેવા કરવાથી દૂર થઈ જાય છે શનિદોષ: જાણી લો કળિયુગના દંડાધિકાર શનિને પ્રસન્ન કરવાના સરળ ઉપાય

• શનિવારનો દિવસ શનિદેવને સમર્પિત
• શનિદેવની પૂજા અર્ચના કરવાથી શનિદેવ પ્રસન્ન થાય છે
• આ વિશેષ ઉપાય કરીને મેળવો શનિદેવની કૃપા

શાસ્ત્રો અનુસાર શનિદેવને ધર્મરાજ અને ન્યાયના દેવતા માનવામાં આવે છે. શનિદેવ તમામ સારા અને ખરાબ કર્મોનું ફળ પ્રદાન કરે છે. જ્યોતિષ શાસ્ત્ર અનુસાર શનિદેવની કુદ્રષ્ટી કોઈ રાશિના જાતકો પર પડી જાય તો મુશ્કેલીઓનો પહાડ તૂટી પડે છે. શનિદેવને પ્રસન્ન રાખવાથી ધન, નોકરી અને વેપારમાં પ્રગતિ થાય છે તથા તમામ સમસ્યાથી મુક્તિ મળે છે. માન્યતા અનુસાર શનિવારનો દિવસ શનિદેવને સમર્પિત છે. શનિવારના દિવસે સવારે વહેલા સ્નાન કરીને શનિદેવની પૂજા અર્ચના કરવાથી શનિદેવ પ્રસન્ન થાય છે. જો તમારા જીવનમાં ધન, નોકરી અથવા વેપાર સંબંધિત સમસ્યા છે, તો આ ઉપાય કરવાથી શનિદેવ પ્રસન્ન થાય છે. 

દાનવીર બનો
ગરીબ અને જરૂરિયાતમંદની મદદ કરતી વ્યક્તિ પર શનિદેવની વિશેષ કૃપા રહે છે. શનિદેવની કૃપા મેળવવા માટે દાન પુણ્ય કરવું જોઈએ. જરૂરિયાતમંદ વ્યક્તિઓને કાળા ચણા, કાળા તલ, અડદની દાળ અને સ્વચ્છ કપડાંનું દાન કરવું જોઈએ. 

શનિયંત્રની પૂજા
જો તમારા જીવનમાં નોકરી, બિઝનેસ, ધન સાથે જોડાયેલ સમસ્યા છે, તો શનિવારે સ્નાન ધ્યાન કરીને શનિયંત્રની પૂજા કરો. જેથી રોજગાર મળશે અને જીવનમાં સુખ શાંતિ આવશે. 

શનિ મંત્રનો જાપ
જ્યોતિષ વિદ્યામાં શનિમંત્રના જાપને ખૂબ જ પ્રભાવશાળી માનવામાં આવે છે. અંગત અને પ્રોફેશનલ જીવનમાં પરેશાની આવે છે, તો આ મંત્રનો જાપ જરૂરથી કરવો જોઈએ. 
मंत्रः-  ॐ प्रां प्रीं प्रौं सः शनैश्चराय नमः 
मंत्रः- ॐ शं शनिश्चरायै नमः 

શ્વાનની સેવા કરો
શ્વાનની સેવા કરવાથી શનિદેવ પ્રસન્ન થાય છે. શ્વાનને ભોજન આપવાથી અને તેમની દેખભાળ કરવાથી શનિદેવ નારાજ થતા નથી. આ પ્રકારે શનિદેવની વિશેષ કૃપા રહે છે. 

હનુમાનજીની પૂજા
શનિદેવ અને હનુમાનજીનો ખાસ સંબંધ છે. શનિદેવની સાથે સાથે બજરંગબલીની પૂજા કરવાથી શનિદેવની વિશેષ કૃપા રહે છે. 

ભગવાન શિવની પૂજા
ભગવાન શંકર શનિદેવને ગુરુ માને છે. આ કારણોસર શનિવારે શિવલિંગ પર જળાભિષેક કરવાથી શનિદેવના આશીર્વાદ રહે છે.