કટરા / VIDEO : શાહરુખ ખાને ચાહકોને ફરી ચોંકાવ્યાં, અચાનક પહોંચ્યો એવા સ્થળે કે લોકો બોલ્યાં- ખરેખર ગજબ

• બોલિવુડ કિંગ શાહરુખ ખાન કટરામાં  માતા વૈષ્ણોદેવીના દર્શને પહોંચ્યો
• ઓળખાઈ ન જાય એટલે માસ્કથી ચહેરો ઢાંકી દીધો
• ઉમરાહથી સીધો કટરામાં માતા વૈષ્ણોદેવીના દરબારમાં પહોંચ્યો
• પઠાણ ફિલ્મની સફળતા માટે માતાજીને કરી પ્રાર્થના

બોલિવુડમાં કિંગ તરીકે ઓળખાતા શાહરુખ ખાન જમ્મુ કાશ્મીરના કટરામાં વૈષ્ણોદેવીના દરબારમાં પહોંચીને પૂજા-દર્શન કર્યાં હતા અને પોતાની આગામી ફિલ્મ પઠાણની સફળતા માટે માતાજીને વિનંતી કરી હતી. 

माता वैष्णोदेवी के दर पर पहुँचे शाहरुख़ खान@iamsrk #Pathaan pic.twitter.com/AGJ8oNrhk8

— Priya Sinha🇮🇳 (@iPriyaSinha) December 12, 2022

ઉમરાહ કર્યા બાદ માતા રાણીના દરબારમાં 
શાહરૂખ ખાન સાચે જ બોલિવૂડનો કિંગ છે. શાહરૂખ ક્યારેય પણ ભગવાનને યાદ કરવાનું ભૂલતો નથી. મક્કામાં ઉમરાહ કર્યા પછી, શાહરૂખ હવે માતા વૈષ્ણોદેવીના દરબારમાં હાજરી આપી હતી. શાહરુખ તેના કેટલાક મિત્રો અને સાથીઓ સાથે કટરા સ્થિત માતા વૈષ્ણોદેવીના મંદિરમાં આવ્યો હતો અને ત્યાં તેણે પૂજા દર્શન કર્યાં હતા અને પોતાની આગામી ફિલ્મ પઠાણની સફળતા માટે માતાજીના આશીર્વાદ માંગ્યા હતા. પોતે એક લોકપ્રિય ચહેરો હોવાથી લોકો તેને ઓળખી જશે તો મોટી ભીડ લાગી જશે તે જાણતો હોવાથી શાહરુખ ખાને વૈષ્ણોદેવીના દર્શને જવા માટે ચહેરા માસ્ક ઢાંકી રાખ્યું હતું જેથી કરીને લોકો તેને ઓળખી ન શકે.  શાહરૂખની આ સ્ટાઈલે તેના ફેન્સના દિલ જીતી લીધા છે.

25 જાન્યુઆરી 2023ના દિવસે પઠાણ ફિલ્મ રિલિઝ થઈ રહી છે 

બોલિવૂડ સુપરસ્ટાર શાહરૂખ ખાનની ફિલ્મ પઠાણ આવતા મહિને જાન્યુઆરીમાં રિલીઝ થઈ રહી છે. આવી સ્થિતિમાં તે પોતાની ફિલ્મની સફળતા માટે પ્રાર્થના કરી રહ્યો છે. શાહરૂખ ખાન પઠાણથી પડદા પર પરત ફરી રહ્યો છે. પઠાણને લઇને શાહરૂખના ફેન્સમાં જબરદસ્ત ચર્ચા છે. આ ફિલ્મમાં દીપિકા પાદુકોણ અને જ્હોન અબ્રાહમ પણ મુખ્ય ભૂમિકામાં છે.ફિલ્મ હિન્દી, તમિલ અને તેલુગુ ભાષામાં રિલીઝ થશે. અત્યાર સુધી આ ફિલ્મમાંથી શાહરુખના ઘણા પોસ્ટર સામે આવ્યા છે. શાહરૂખના લાંબા વાંકડિયા વાળ અને જબરદસ્ત ફિટનેસ જોઇને ફેન્સ ક્રેઝી થઇ ગયા છે. ફેન્સ હવે બસ એ દિવસની રાહ જોઇ રહ્યા છે જ્યારે કિંગ ખાનની મચ અવેઇટેડ ફિલ્મ પઠાન થિયેટરોમાં રિલીઝ થશે. હવે જોઈએ શાહરુખની આ ફિલ્મને દર્શકોનો કેટલો પ્રેમ મળે છે.