જાતિય શોષણ / સંસદમાં જ મંત્રીએ મહિલાને દબોચી દુષ્કર્મનો કર્યો પ્રયાસ, પોલીસ કેસ થયો પરંતુ...

•  મંત્રી ટોપ ટોરી પર  સંસદના ટોઈલેટમાં મહિલાને પકડવાનો અને રેપની કોશિશનો આરોપ 
• પોલીસે મંત્રી સામેની ફરિયાદ લખવાનો ઈ્નકાર કર્યો- પીડિત મહિલા 
• પીડિતાએ કહ્યું કે હું કોઈ પણ ભોગે મંત્રીને જેલમાં પુરાવવા માંગું છું

પીડિત મહિલાએ પોલીસમાં કરેલી ફરિયાદમાં એવું જણાવ્યું કે મંત્રી ટોપ ટોરીએ સંસદમાં ટોઈલેટમાં તેને પકડી હતી અને રેપ કરવાની કોશિશ કરી હતી. મહિલાએ કહ્યું કે મેં મહામહેનતે મંત્રીની ચૂંગાલમાંથી મારી જાતને છોડાવી હતી. આ દરમિયાન મને શરીર પર ઘણી જગ્યાએ ઉઝરડા પડ્યાં હતા તથા વાગ્યું પણ હતું. 

મહિલાએ કહ્યું કે શરુઆતમાં પોલીસે મંત્રી સામેની ફરિયાદ લખવાનો ઈ્નકાર કર્યો હતો પરંતુ દબાણ કરાતા પોલીસે ફરિયાદ લખવી પડી હતી. મહિલાનો એવો પણ આક્ષેપ છે કે મંત્રીના ઈશારે પોલીસ આ કેસની ગંભીરતાથી તપાસ કરતી નથી. ચોંકાવનારી વાત એ છે કે પોલીસે જાન્યુઆરી 2021 માં આ કેસની ફાઈલ બંધ કરી હતી. ત્યારથી પીડિતા મંત્રીને સજા અપાવવા માટે લડી રહી છે પીડિતાએ કહ્યું કે હું કોઈ પણ ભોગે મંત્રીને જેલમાં પુરાવવા માંગું છું. પીડિતાની માતાએ કહ્યુ કે પોલીસ અમને કેસ પાછો ખેંચવાનું દબાણ કરી રહી છે. 

પોલીસે કેસ પાછો ખેંચવા દબાણ કર્યું-પીડિતાની માતા 

અમારા પરિવારને ધાક-ધમકી પણ આપવામાં આવી હતી તેમ છતાં અમે ડરવાના નથી. અમે મંત્રીને સજા અપાવીને જ જંપીશુ.પોલીસનું કહેવું છે કે મંત્રીની સામે કોઈ પુરાવા  નથી. 

મારી પરના તમામ આરોપ ખોટા
મંત્રી ટોપ ટોરીએ પોતાની જાતનો બચાવ કરતા જણાવ્યું કે મારી સામેના તમામ આરોપ ખોટા છે. આ મને ફસાવવા માટેની એક ચાલ છે. હું કોઈ પણ પ્રકારની કાયદાકીય તપાસમાંથી પસાર થવા તૈયાર છું.