તેજીનો સોમવાર / પહેલા કારોબારી દિવસે શેરબજારમાં તેજી, સેન્સેક્સમાં 800 પોઈન્ટનો ઉછાળો, રોકાણકારોની બલ્લે બલ્લે

• શેરબજારમાં આજે તેજી 
• પ્રથમ કારોબારી દિવસે 800 પોઈન્ટ ઉછળ્યો સેન્સેક્સ 
• સેન્સેક્સના 30માંથી 24 શેરોમાં વધારો

શેરબજાર: આજે પહેલા કારોબારી દિવસે માર્કેટ ખૂલતાની સાથે જ ટૂંક સમયમાં સેન્સેક્સ 800 પોઇન્ટ્સ ઉછળીને 55,697 પહોંચ્યો અને નિફ્ટી 16,578 ની સપાટીએ પહોંચી ગયો હતો. 

સપ્તાહના પ્રથમ કારોબારી દિવસે નીચા બજારથી મળેલા મજબૂત સંકેતોને કારણે સ્થાનિક શેરબજારમાં તેજી જોવા મળી હતી. સોમવારે સવારે 30 પોઇન્ટનો સેન્સેક્સ 55,507.75 પર ખુલ્યો હતો. તે જ સમયે, 50 પોઇન્ટનો નિફ્ટી 16,527.90 પર ખુલ્યો હતો. પ્રી-ઓપન સેશન દરમિયાન સેન્સેક્સના 30માંથી 24 શેરોમાં વધારો જોવા મળ્યો હતો.

Sensex surges over 800 points in early trade, currently at 55,697; Nifty trading at 16,578 pic.twitter.com/S9mDu3dbs8

— ANI (@ANI) May 30, 2022

યુએસ માર્કેટમાં તેજી
બીજી તરફ યુએસ માર્કેટમાં લોંગ વીકએન્ડ પહેલા શુક્રવારે તેજી જોવા મળી હતી અને ડાઉ 575 પોઈન્ટના વધારા સાથે બંધ રહ્યો હતો. નાસ્ડેક પણ 3.5 ટકા વધીને બંધ રહ્યો હતો. યુરોપિયન માર્કેટમાં પણ 0.5 ટકાનો ઉછાળો જોવા મળ્યો છે. એશિયન માર્કેટમાં લેવાલી ચાલી રહી છે.

શુક્રવારે શેરબજારની સ્થિતિ
આ પહેલા શુક્રવારે BSE સેન્સેક્સ અને NSE નિફ્ટી વધારા સાથે બંધ થયા હતા. સેન્સેક્સ 632.13 પોઈન્ટના ઉછાળા સાથે 54,884.66 પર બંધ રહ્યો હતો. તે જ સમયે, નેશનલ સ્ટોક એક્સચેન્જનો નિફ્ટી 182.30 અંક વધીને 16,352.45 પર બંધ થયો હતો.