કરિયર / ગુજરાત સરકારમાં નોકરી મેળવવાની તક, એપણ ઉચ્ચ પગાર ધોરણવાળી, મેળવો વિગત

Published By: Nirav Kumar

Last Updated: 11:13 PM, 3 November 2026

FOLLOW ON

શેર કરો

ગુજરાતમાં સરકારી નોકરીની તૈયારી કરતા ઉમેદવારો માટે GSSSBએ ફૂડ સેફ્ટી ઓફિસરની 84 જગ્યાઓ માટે ભરતીની જાહેરાત કરી છે. 40,800ના પ્રારંભિક ફિક્સ પગાર સાથેની આ ભરતીમાં કોણ અરજી કરી શકશે અને પસંદગી માટે કઈ લાયકાત જરૂરી છે, ચાલી જાણીએ તેના વિષે.

ગુજરાતમાં સરકારી નોકરી મેળવવાનું સપનું જોતા યુવાનો માટે મહત્વપૂર્ણ તક સામે આવી છે. ગુજરાત ગૌણ સેવા પસંદગી મંડળ (GSSSB) દ્વારા ફૂડ સેફ્ટી ઓફિસર, વર્ગ-3ની કુલ 84 જગ્યાઓ ભરવા માટે ભરતી પ્રક્રિયા જાહેર કરવામાં આવી છે. આરોગ્ય અને પરિવાર કલ્યાણ વિભાગ હેઠળ આવતી આ ભરતીમાં યોગ્ય શૈક્ષણિક લાયકાત ધરાવતા ઉમેદવારો ઓનલાઈન અરજી કરી શકશે.

મહત્વની વિગતો

સંસ્થા :ગુજરાત ગૌણ સેવા પસંદગી મંડળ
વિભાગ: આરોગ્ય અને પરિવાર કલ્યાણ
પોસ્ટ: ફૂડ સેફ્ટી ઓફિસર, વર્ગ-3
કુલ જગ્યા: 84
અરજી મોડ: ઓનલાઈન
અરજી કરવાની વેબસાઈટ: https://ojas.gujarat.gov.in

કેટેગરી મુજબ જગ્યાઓ

બિન અનામત 40, આર્થિક રીતે નબળા વર્ગ 8, સામાજિક અને શૈક્ષણિક રીતે પછાત વર્ગ 19, અનુસૂચિત જાતિ 7 અને અનુસૂચિત જનજાતિ 10 જગ્યાઓ છે.

શૈક્ષણિક લાયકાત

ઉમેદવાર પાસે સરકાર માન્ય યુનિવર્સિટીમાંથી કેમિસ્ટ્રીમાં માસ્ટર ડિગ્રી કે ફૂડ ટેકનોલોજી, ડેરી ટેકનોલોજી, બાયોટેકનોલોજી, ઓઇલ ટેકનોલોજી, કૃષિ વિજ્ઞાન, પશુચિકિત્સા વિજ્ઞાન, બાયો-કેમિસ્ટ્રી, માઇક્રોબાયોલોજી કે મેડિસિનમાં ડિગ્રી હોવી જોઈએ. આ સાથે કમ્પ્યુટરનું પાયાનું જ્ઞાન અને ગુજરાતી કે હિન્દી ભાષાનું જ્ઞાન જરૂરી છે.

વય મર્યાદા

ઉમેદવારની ઉંમર 18 વર્ષથી ઓછી અને 37 વર્ષથી વધારે ન હોવી જોઈએ.

પગાર

જેમાં પસંદ થયેલા ઉમેદવારોને પહેલા પાંચ વર્ષ માટે 40,800 રૂપિયાનો ફિક્સ પગાર મળશે. પાંચ વર્ષ બાદ સંતોષકારક કામગીરીના આધારે સાતમા પગાર પંચના લેવલ-5 મુજબ 29,200થી 92,300 રૂપિયાના પગારધોરણે કાયમી નિમણૂક મળી શકે છે.