7 ફોટો ગેલેરી

પ્રોજેક્ટ / કેવી રીતે તૈયાર થઇ રહી છે મેડ ઈન ઈન્ડિયા બુલેટ ટ્રેન? જુઓ Inside તસવીરો

Last Updated: 10:21 PM, 3 November 2026

FOLLOW ON

શેર કરો

ભારતની પહેલી સ્વદેશી બુલેટ ટ્રેન B28 બેંગલુરુમાં BEML ખાતે તૈયાર થઈ રહી છે, જેની ટેસ્ટ સ્પીડ 280 કિમી/કલાક છે. તેમાં 557 મુસાફરોની ક્ષમતા સાથે આધુનિક સુવિધાઓ અને મજબૂત માળખું છે.

1/7

1. હાઈસ્પીડ રેલવે

ભારત હવે હાઈસ્પીડ રેલવેના ક્ષેત્રમાં પણ આત્મનિર્ભર બનવાની દિશામાં ઝડપથી આગળ વધી રહ્યું છે. અત્યાર સુધી બુલેટ ટ્રેનની વાત આવે એટલે જાપાનની ટેક્નોલોજી યાદ આવતી હતી, પરંતુ હવે ભારત પોતાની સ્વદેશી બુલેટ ટ્રેન તૈયાર કરી રહ્યું છે. ખાસ વાત એ છે કે આ ટ્રેન ભારતમાં જ ડિઝાઇન અને મેન્યુફેક્ચર કરવામાં આવી રહી છે. રેલવે મંત્રી અશ્વિની વૈષ્ણવે બેંગલુરુમાં ચાલી રહેલા તેના નિર્માણ કાર્યની ઝલક પણ બતાવી છે.

આ તસવીર શેર કરો

2/7

2. કેવી રીતે બને છે બુલેટ ટ્રેન

આ માત્ર પાર્ટ્સ જોડવાનું કામ નથી પણ સંપૂર્ણ સ્વદેશી નિર્માણ પણ છે. જેમાં ટ્રેનનું અંડરફ્રેમ, મજબૂત સાઇડ વોલ અને છત ભારતમાં જ આધુનિક મશીનોથી તૈયાર થઈ રહ્યા છે. આ તમામ ભાગોને જોડીને કાર બોડી બનાવવામાં આવી રહી છે.

આ તસવીર શેર કરો

3/7

3. 300 કિમી પ્રતિ કલાકની સ્પીડ

300 કિમી પ્રતિ કલાકની આસપાસ દોડનારી ટ્રેનનું માળખું ખૂબ મજબૂત હોવું જોઈએ. તેને સાબિત કરવા માટે કાર બોડીનો સ્ક્વીઝ ટેસ્ટ કરવામાં આવ્યો છે. જેમાં ખાસ મશીનોથી ભારે દબાણ આપીને તપાસવામાં આવ્યું કે ઊંચી સ્પીડ અને મુશ્કેલ પરિસ્થિતિમાં પણ તેનું સુરક્ષા કવચ તૂટે નહીં. ટ્રેન આ કઠિન પરીક્ષામાં સફળ રહી છે.

આ તસવીર શેર કરો

4/7

4. અશ્વિની વૈષ્ણવ

કેન્દ્રીય રેલ મંત્રી અશ્વિની વૈષ્ણવ પોતે બેંગલુરુ પ્લાન્ટની મુલાકાતે ગયા હતા અને B28 બુલેટ ટ્રેનના નિર્માણ કાર્ય તથા સ્ક્વીઝ ટેસ્ટનું અવલોકન કર્યું હતું.

આ તસવીર શેર કરો

5/7

5. 8 કોચ

આ ટ્રેનમાં કુલ 8 કોચ હશે. જેમાં 4 મોટર કોચ અને 4 ટ્રેલર કોચ હશે. તેમાં 557 મુસાફરો સફર કરી શકશે. સાત કોચ સ્ટાન્ડર્ડ ક્લાસના અને એક એક્ઝિક્યુટિવ ક્લાસનો હશે. ટ્રેનની મેક્સીમમ ટેસ્ટ સ્પીડ 280 કિમી પ્રતિ કલાક અને ઓપરેશનલ સ્પીડ 249 કિમી પ્રતિ કલાક રહેશે. તેની લંબાઈ આશરે 202 મીટર છે.

આ તસવીર શેર કરો

6/7

6. બીજી સુવિધા

મુસાફરોને આરામદાયક સીટો, પૂરતી લેગરૂમ, દરેક સીટ પર ચાર્જિંગ પોઇન્ટ, સારી લગેજ રેક અને બાયો-ડાઇજેસ્ટર ટોયલેટ મળશે. જેમાં દિવ્યાંગ મુસાફરો માટે વ્હીલચેરની સગવડ, ખાસ સીટો અને એક્સેસિબલ ટોયલેટની વ્યવસ્થા છે. હિન્દી, અંગ્રેજી અને પ્રાદેશિક ભાષાઓમાં પેસેન્જર ઇન્ફોર્મેશન સિસ્ટમ, વાઇ-ફાઇ આધારિત એન્ટરટેનમેન્ટ, એલસીડી સ્ક્રીન અને આધુનિક એર કંડિશનિંગ સિસ્ટમ પણ રહેશે.

આ તસવીર શેર કરો