ક્રાઈમ / 'દીકરી સોંપી દો', રાજકોટના વિંછીયામાં યુવતી ભાગી જતાં પરિવારજનોએ યુવકનું ઘર સળગાવી દીધું

રાજકોટ જિલ્લાના વિંછીયા તાલુકાના છાસિયા ગામે વાડી વિસ્તારમાં 15 થી 20 લોકો તીક્ષ્ણ હથિયાર અને પેટ્રોલ ડીઝલ સાથે ઘસી આવ્યા હતા અને યુવતી ને ભગાડી જનાર યુવકનું ઘર સળગાવી દીધું હતું યુવક અને યુવતી રાજકોટ મેટોડા જી આઈ ડી સી માં એક કારનામા સાથે કામ કરતા બને 31તારીખ ના સુરત કોર્ટ માં પ્રેમ લગ્ન કરી લેતા વિવાહ સર્જાયો હતો.

ભાગી જતાં યુવતીના પરિવારજનોએ યુવકનું ઘર સળગાવી દીધું હતું જેને સામે ગુનો દાખલ કરવામાં આવ્યો છે અને આરોપીઓની ધરપકડ કરવામાં આવી છે.

પેટ્રોલ ડીઝલથી મકાન સળગાવી દીધું

વિંછીયા તાલુકાના છાસિયા ગામનો 22 વર્ષીય યુવક તેજ ગામની 20 વર્ષીય યુવતી ને 4 દિવસ પહેલા ભગાડી જતા યુવતી ના પરિવાર ના સભ્યો દ્વારા વારંવાર ચેતવણી આપવામાં આવતી હતી કે અમારી દીકરી અમને સોંપી દયો નહિતર મજા બગડી જશે ગઈકાલે સાંજે છ વાગે યુવતી ના પરિવારના 15 થી 20 સભ્યો 10 થી 15 બાઇક પર તીક્ષ્ણ હથિયાર અને પેટ્રોલ ડીઝલ સાથે ઘસી આવ્યા હતા અને યુવકના ઘર માં ઘૂસી ભાંગ તોડ કરી અને ખોરડા પર ચડી નળિયા ફોડી નાખ્યા હતા તેમજ યુવકનું મકાન સળગાવી દીધું હતું. જ્યારે 15 થી 20 લોકો નું ટોળુ યુવક ના ઘરે આવ્યું ત્યારે યુવકના માતા અને તેમના ભાભી ઘરે હતા યુવતીના પરિવાર દ્વારા તેમને પણ ધમકી મારવામાં આવી હતી કે તાત્કાલિક અમારી છોકરી અમને સોપી દયો નહિતર તમારા આખા પરિવારના હાથ તો ભાંગી નાખવામાં આવશે જ્યાં સુધી અમારી દીકરી અમને નહીં મળે ત્યાં સુધી આ સિલસિલો ચાલુ રાખવામાં જ આવશે પરિવારના સભ્યો દ્વારા વિછીયા પોલીસ સ્ટેશનમાં 15 થી 20 લોકોના ટોળા સામે આક્ષેપ કરવામાં આવ્યા હતા.

આ પણ વાંચોઃ ‘ચૂંટણી ચોરીનું કાવતરું’નો આરોપ, જન મહાભિયોગમાં ખડગેનો દાવો, 13.2 કરોડ મતદારોનાં નામ હટાવ્યા!

બે પરિવાર વચ્ચે મોટો વિખવાદ

પ્રેમપ્રકરણ ને લઈ ને નાના એવા છાસિયા ગામ માં બે પરિવાર વચ્ચે મોટો વિખવાદ થયો છે યુવક ના પરિવારના સભ્યો દ્વારા યુવતી ના પરિવારના 20 જેટલા સભ્યો વિરુદ્ધ વિંછીયા પોલીસ સ્ટેશનમાં ફરિયાદ નોંધાવવામાં આવી છે વિંછીયા પોલીસ દ્વારા 8 જેટલા લોકોની ધરપકડ કરી તેમના વિરુદ્ધ ફરિયાદ નોંધી આગળની કાર્યવાહી કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ