ફ્રોડ ઍલર્ટ / ઑનલાઇન જોબ સર્ચ કરવી આ શખ્સને પડી ભારે, લાગ્યો 3 લાખનો ચૂનો, જો-જો તમે આવી ભૂલ કરતા!

• ઓનલાઈન છેતરપિંડીનો વધુ એક ગુન્હો
• ઓનલાઈન જોબના નાને ભેજાબાજ આરોપીઓએ પડાવી લીધા 3.7 લાખ
• વિશ્વાસમાં લેવા પહેલા અમૂક રકમ પરત કરી

ડિજિટલના આ જમાનામાં યુવાનોમાં ઓનલાઇન કામ અને ઇન્ટરનેટ પર નવી નવી માહિતીઓ શોધવાનો જાણે અલગ જ ક્રેઝ છે. આવી જ એક આદત યુવાનને ભારે પડી હોવાનો ચકચારી કિસ્સો સામે આવ્યો છે. જેમાં નોકરીના નામે એક યુવાન છેતરપિંડીનો ભોગ બન્યો છે. છેતરપિંડીનો ભોગ બનનાર આ યુવાન ઓનલાઈન પ્લેટફોર્મ પર ખાનગી કામોનીમાં કામ કરતો હતો અને તે સારા પગારની લાલચમાં ફ્રોડનો ભોગ બન્યો છે.

ગુગલ મેપ પર રીવ્યુ લખવા જણાવ્યું

આ યુવાને ઓનલાઈન પ્લેટફોર્મ પર રીઝયુમ અપલોડ કર્યા બાદ તેને એક વ્યક્તિનો કોલ આવ્યો હતો. આ વ્યક્તિએ પોતાની ઓળખ ખાનગી કંપનીમાં બોસ તરીકે આપી હતી. બાદમાં યુવાનને પાર્ટ ટાઈમ નોકરીની ઓફર પણ આપી હતી. મીડિયા રિપોર્ટ્સમાં જણાવ્યા મુજબ પ્રાઇવેટ કંપનીમાં કામ કરતા આ યુવાનને નોકરીની ઓફર આપ્યા બાદ આ શખ્સે ગુગલ મેપ પર રીવ્યુ લખવા જણાવ્યું હતું. 

3.7 લાખ રૂપિયા ટ્રાન્સફર કરાવી લીધા

ભેજાબાજ આરોપીએ સૌપ્રથમ યુવાનનો વિશ્વાસ જીતવા માટે ટાસ્ક પૂરા કરવા બદલ તેને અમુક રૂપિયા ટ્રાન્સફર કર્યા હતા. જેને લઈને યુવાનને આ કામ પર ભરોસો આવી ગયો હતો. ત્યારબાદ સ્કેમર્સે ભોગ બનના યુવાનને રિટર્નનો મોટો પ્લાન બતાવ્યો હતો અને તેમાં વધુ ફાયદોની લાલચ આપી હતી. બાદમાં યુવક રાજી થઈ ગયો હતો અને તેણે 13 થી 14 ઓગસ્ટના સમયગાળા દરમિયાન 3.7 લાખ રૂપિયા ટ્રાન્સફર કરી દીધા હતા. આ રકમ છ જુદા જુદા ટ્રાન્જેક્શન મારફતે મોકલાઈ હતી.

50 હજાર રૂપિયા એક્સ્ટ્રા આપવાની માંગ કરી

આ મામલે ભોગ બનનારે રિટર્ન રૂપિયા માંગતા આરોપીઓએ ઔકાત બતાવી હતી અને તેમણે વધુ 50 હજાર રૂપિયા એક્સ્ટ્રા આપવાની માંગ કરી હતી. આથી યુવાન પરિસ્થિતિ પારખી ગયો હતો અને તેને રૂપિયા આપવાની ના પાડી દીધી હતી. બાદમાં તેને છેતરપિંડીનો ભોગ બન્યો હોવાનો અહેસાસ થયો હતો. આ દરમિયાન આરોપીઓએ પોતાના નંબર અને અન્ય એકાઉન્ટ બંધ કરી હાથ ઊંચા કરી દીધા હતા. બાદમાં યુવાનને પોલીસનો સંપર્ક કર્યો હતો.