તમારા કામનું / દરરોજ બચાવો માત્ર 100 રૂપિયા, 15 વર્ષમાં જમા થઈ જશે 20 લાખ, સમજો આખું ગણિત

• શું તમારે બચત કરીને સારી જગ્યાએ રોકાણ કરવુ છે?
• આ રીતે કરો રોકાણ તો મળશે સારું રિટર્ન
• 15 વર્ષ બાદ 20 લાખ રૂપિયાની આજુબાજુ થઇ જશે

અહીં રોકાણ કરો, મળશે વધુ નફો

દરરોજ કેટલા રૂપિયા બચાવીને કયા રોકાણ કરશો તો 15 વર્ષ બાદ 20 લાખ રૂપિયાની આજુબાજુ થઇ જશે. અત્યારે વ્યાજ દરમાં વધારાનો સિલસિલો ચાલુ છે ત્યારથી બેંકોના બચત ખાતા અથવા સેવિંગ બેંક એકાઉન્ટ, રિકેરિંગ એકાઉન્ટ, એફડી પર મળતુ વ્યાજ પૂરતુ નથી. તેનાથી વધુ તો મોંઘવારીનો દર છે. તેથી બેંકોની બચત યોજનાઓ વધારે સમય સુધી આકર્ષક રહી નથી. પર્સનલ ફાઈનાન્સના એક્સપર્ટનુ કહેવુ છે કે એવામાં જો તમે ઓછા પૈસામાં વધુ નફો મેળવવા માગો છો તો મ્યુચ્યુઅલ ફંડમાં રોકાણ કરી શકો છો. 

આ રીતે બનશે લાખો રૂપિયાનુ ભંડોળ 

હાલમાં રોજગારના અવસર વધ્યાં છે, પરંતુ મોંઘવારીની દ્રષ્ટિએ મજૂરી વધી નથી. તેથી બધાની બચત પર અસર પડી છે. આ સ્થિતિમાં જો તમે દરરોજ 100 રૂપિયાની પણ બચત કરો છો તો આ મહિનામાં 3000 રૂપિયા થઇ જશે. તમે આ 3000 રૂપિયાને દર મહિને કોઈ સારા મ્યુચ્યુઅલ ફંડની સ્કીમના સિસ્ટમેટિક ઈન્વેસ્ટમેન્ટ પ્લાન એટલેકે SIPમાં નાખી શકો છો. આ રોકાણ તમારે સતત 15 વર્ષ સુધી કરવુ પડશે. અત્યારે માર્કેટમાં એવા ઘણા મ્યુચ્યુઅલ ફંડ છે, જેણે છેલ્લાં 15 વર્ષમાં 15 ટકા વાર્ષિક દરથી રિટર્ન આપ્યું છે. જો આટલું રિટર્ન તમને મળે તો 15 વર્ષ બાદ તમારી પાસે 20 લાખ રૂપિયાનુ ફંડ એકત્રિત થઇ જશે.