બોલિવુડ / 'લાંબા વાળ, આંખો પર ચશ્મા...' સલમાન ખાનની આગામી ફિલ્મનો નવો લુક આવ્યો સામે, પોતે શેર કર્યો ફોટો

• સલમાન ખાનની આ વર્ષે  બે ફિલ્મ રીલિઝ થશે
• છેલ્લે 2021માં ફિલ્મ 'અંતિમ'માં જોવા મળ્યો હતો સલમાન
• સલમાનનો નવી ફિલ્મમાં જોવા મળશે એક્શન અવતાર

આ ઈદ સલમાન ખાનની કોઈ ફિલ્મ રિલીજ થઈ નથી જેના લીધે તેના ચાહકવર્ગમાં ઘણી નિરાશા જોવા મળી હતી. દબંગ ખાનની આવનારી ફિલ્મ 'કભી ઈદ કભી દીવાલી' અને 'ટાઈગર 3' છે જે આ વર્ષે રિલીઝ થશે. પરંતુ તેના ચાહકો માટે એક મોટા સમાચાર આવ્યા છે. સલમાને પોતાની બીજી એક મોટી ફિલ્મનું શુટીંગ શરૂ કરી દીધું છે. જોકે આ ફિલ્મના ટાઈટલનો તેને ખુલાસો નથી કર્યો પરંતુ ફિલ્મનું શુટીંગ શરૂ કરતાની સાથે જ પોતાનો લુક જરૂર શેર કર્યો છે.
 

 

 

 

 

View this post on Instagram

 

 

 

 

 

 

 

 

 

 

 

A post shared by Salman Khan (@beingsalmankhan)

સલમાન ખાને પોતાની નવી ફિલ્મના શૂટીંગ શરૂ કરતાની સાથે ઈન્સ્ટાગ્રામ પર આ લુક શેર કર્યો છે. એક્ટરનો આ નવો લુક જોરદાર વાયરલ થઈ રહ્યો છે.   જોકે તેમાં તેને ઓળખવો મુશ્કેલ છે. લાંબા વાળ, આંખો પર કાળા ચશ્મા અને હાથમાં લોખંડનો સળીયો પકડતો દેખાઈ રહ્યો છે. ગુસ્સામાં સલમાન ખાનનો આ નવો લુક જોઈને ચાહકો અંદાજો લગાવી રહ્યા છે કે નવી ફિલ્મમાં એક્ટરનો જબરદસ્ત એકશન અવતાર જોવા મળશે.

આ લુક જોયા પછી સલમાન ખાનના ચાહકો આતુરતાથી ફિલ્મના ટાઈટલ અને સ્ટારકાસ્ટની રાહ જોઈ રહ્યા છે. સલમાન 2021માં ફિલ્મ 'અંતિમ' માં જોવા મળ્યો હતો. આ ફિલ્મ ઓટીટી પર રિલીજ થઈ હતી અને દર્શકોને વધુ પસંદ આવી નહોતી. હવે સલમાનના ચાહકો તેના દમદાર રોલની સાથે શ્રેષ્ઠ ફિલ્મની રાહ જોઈ રહ્યા છે.
'કભી ઈદ કભી દીવાલી'   સિવાય સલમાન ખાન 'ટાઈગર 3' માં પણ જોવા મળશે. જ્યારે શાહરૂખ ખાનની 'પઠાન' અને તેલુગૂ ફિલ્મ 'ગોડ ફાધર' માં પણ તેમનો કેમિયો રોલમાં જોવા મળશે. 'ગોડ ફાધર' તેમની તેલુગૂ ડેબ્યુ ફિલ્મ છે.