IPL / આ કેચ જોઈને સચિન બોલી ઉઠ્યો: એવું  લાગ્યું કે ઘરનો બલ્બ બદલી રહ્યો છે; જુઓ વીડિયો

આ કેચને જોઈ બધાં ચોંકી ગયાં. કાર્તિક ત્યાગીની બોલિંગ પર ઈશાન કિશન થર્ડ મેન તરફ શોર્ટ રમ્યો. આ દરમિયાન બાઉન્ડરી પર ઊભેલા જોફ્રા આર્ચરે હવામાં ડાઇવ લગાવીને એક હાથે અદભુત કેચ ઝડપી લીધો.

Wot a one handed catch! Jofra Archer, You beauty 😍#MIvsRR #RRvMI pic.twitter.com/xfP9SRsBek

— Siju Moothedath (@SijuMoothedath) October 25, 2020

અબુધાબીમાં ગઈ કાલે મુંબઈની ઈનિંગ્સની ૧૧મી ઓવરના ચોથા બોલ પર આ અદભુત કેચ જોવા મળ્યો હતો. સ્ટ્રાઇક પર ઈશાન કિશન હતો અને કાર્તિક ત્યાગી ઓવરનો ચોથો બોલ ફેંકી રહ્યો હતો. કાર્તિકે ઓફ સ્ટમ્પની બહાર શોર્ટ બોલ ફેંક્યો તો કિશને બેટ ચલાવ્યું અને બોલ તેના બેટમાંથી નીકળીને થર્ડમેન તરફ ગયો હતો. બાઉન્ડરી લાઇન પર ઊભેલો જોફ્રા પહેલાં તો કેચને જજ કરી શક્યો નહોતો, પરંતુ અંતિમ સમયે તેણે હવામાં છલાંગ લગાવી અને બોલ તેના હાથમાં આવી ગયો.

જોફ્રાનો આ કેચ જોઈ સ્ટેડિયમમાં હાજર તમામ લોકો આશ્ચર્યમાં ગરકાવ થઈ ગયા હતા. સોશિયલ મીડિયા પર પણ દિગ્ગજોએ કોમેન્ટ કરી. સચીને લખ્યું, ''જોફ્રાનો કેચ જોઈને એવું લાગ્યું કે તે જાણે પોતાના ઘરનો બલ્બ બદલી રહ્યો છે.''

Woh catch dekh kar aisa laga ki @JofraArcher apne ghar ka bulb 💡 badal raha hai. 🤯#RRvMI

— Sachin Tendulkar (@sachin_rt) October 25, 2020