મુલાકાત / 'ગુજરાત વિકાસનું રોલ મોડલ', CM ભૂપેન્દ્ર પટેલને મળ્યાં વર્લ્ડ બેન્ક પ્રેસિડન્ટ બાંગા, મળ્યું મોટું આમંત્રણ

• વર્લ્ડ બેંકના પ્રમુખ સાથે CMની બેઠક
• અજય બાંગા સાથે મુખ્યમંત્રીની બેઠક
• વાઈબ્રન્ટ ગુજરાત 2024 પ્રમુખને આમંત્રણ

 ગુજરાતમાં યોજાઈ રહેલી G20 બેઠકોમાં સહભાગી થવા આવેલા વર્લ્ડ બેંકના પ્રેસિડેન્ટ  અજય બાંગા અને ઉચ્ચસ્તરીય પ્રતિનિધિ મંડળે મુખ્યમંત્રી ભૂપેન્દ્રભાઈ પટેલ સાથે ગાંધીનગર ખાતે વિસ્તૃત બેઠક યોજી. આ બેઠક દરમિયાન વર્લ્ડ બેંકના પ્રેસિડેન્ટએ અભિનંદન પાઠવતા જણાવ્યું કે, ગુજરાત સાથેનો વર્લ્ડ બેંકના સંબંધોનો સેતુ સુદ્રઢ થતો રહ્યો છે અને ગુજરાત વિકાસના રોલ મોડલ તરીકે પ્રસ્થાપિત થયું છે..

ગુજરાતના વિકાસ મોડલ માટે વર્લ્ડ બેંકના પ્રેસિડેન્ટએ મુખ્યમંત્રીને અભિનંદન પાઠવ્યા
વર્લ્ડ બેંકના પ્રેસિડેન્ટ અજય બાંગાની મુખ્યમંત્રી ભૂપેન્દ્ર પટેલ સાથે ગાંધીનગરમાં બેઠક યોજી હતી.  અજય બાંગા ગુજરાતમાં આયોજિત G૨૦ બેઠકોમાં ભાગ લેવા આવ્યા છે. ગુજરાતના વિકાસ મોડલ માટે વર્લ્ડ બેંકના પ્રેસિડેન્ટએ મુખ્યમંત્રીને અભિનંદન પાઠવ્યા હતા. ગુજરાતના મોટા પ્રોજેક્ટ, મેન્યુફેક્ચરિંગ, ઈન્ફ્રાસ્ટ્રક્ચર અને રિન્યુએબલ એનર્જી ક્ષેત્રે સહાય માટે વિશ્વ બેન્ક તત્પર છે.