Sports / શું T20 વર્લ્ડકપ રમશે રોહિત શર્મા? BCCIએ કેપ્ટનને સ્પષ્ટ સૂચના આપી દીધી હોવાના સમાચાર: રિપોર્ટ

• રોહિત શર્મા અને વિરાટ કોહલી આરામ પર
• BCCI સચિવ જય શાહે રોહિત શર્મા બાબતે નિવેદન આપ્યું
• T20 વર્લ્ડ કપમાં રોહિત શર્માને સ્થાન મળશે કે નહીં?

વર્લ્ડ કપ 2023માં ફાઈનલમાં હાર થયા પછી રોહિત શર્મા અને વિરાટ કોહલી જેવા સિનિયર ખેલાડી આરામ પર છે. આ બંને ખેલાડી સાઉથ આફ્રિકામાં રમવામાં આવી રહેલ ટેસ્ટ સીરિઝ દરમિયાન ફરી એકવાર રમી શકે છે. ફેન્સને સવાલ થઈ રહ્યો છે કે, આ બંને ખેલાડી વ્હાઈટ બોલ ક્રિકેટમાં ફરી ક્યારે જોવા મળશે. છેલ્લા ઘણા દિવસથી વિરાટ કોહલી બાબતે સમાચાર સામે આવ્યા હતા કે, BCCI કોહલીને T20 વર્લ્ડ કપના પ્લાનમાં શામેલ નથી કરી રહ્યું. BCCI સચિવ જય શાહે રોહિત શર્મા બાબતે પણ એક મહત્ત્વપૂર્ણ નિવેદન આપ્યું છે. 

રોહિત શર્મા બાબતે મહત્ત્વપૂર્ણ અપડેટ
વર્ષ 2024માં વેસ્ટ ઈન્ડીઝ અને USAમાં T20 વર્લ્ડ કપ રમવામાં આવશે. આ T20 વર્લ્ડ કપમાં રોહિત શર્મા ભારતીય ટીમનો હિસ્સો રહેશે કે નહીં તે અંગે કોઈ સ્પષ્ટતા કરવામાં આવી નથી. મીડિયા રિપોર્ટ અનુસાર જય શાહે પુષ્ટી કરી છે કે, રોહિત શર્માને T20 વર્લ્ડ કપમાં તેમની જગ્યા બાબતે કોઈ આશ્વાસન નહીં આપી શકાય, જેથી રોહિત શર્માના ફેન્સને ઝટકો લાગ્યો છે. 

જય શાહે વધુમાં જણાવ્યું છે કે, IPL અને વર્લ્ડ કપ પહેલા રમવામાં આવનાર T20 સીરિઝના આધાર નિર્ણય લેવામાં આવશે. T20 વર્લ્ડ કપ જૂન 2024માં શરૂ થશે, તે પહેલા IPL અને અફઘાનિસ્તાન સામે સીરિઝ રમવામાં આવશે. વર્લ્ડ કપ ટીમમાં જગ્યા બનાવવા માટે ખેલાડીઓએ IPL તથા અન્ય ટુર્નામેન્ટમાં સારું પ્રદર્શન કરવું પડશે. છેલ્લા 3 વર્ષમાં રોહિત શર્મા IPLમાં બેટ્સમેન તરીકે કંઈ ખાસ પ્રદર્શન કરી શક્યા નથી. 

રોહિત શર્માની મુશ્કેલીઓ વધી
રોહિત શર્માએ વન ડે વર્લ્ડ કપ દરમિયાન બેટ્સમેન અને કેપ્ટન તરીકે શાનદાર પ્રદર્શન કર્યું. રોહિત શર્માની કેપ્ટનશીપમાં ભારતીય ટીમે વર્લ્ડ કપ ફાઈનલમાં પ્રવેશ મેળવ્યો. T20 ફોર્મેટમાં રોહિત શર્મા સારું પ્રદર્શન નથી કરી શકતા. T20 વર્લ્ડ કપમાં જગ્યા બનાવવા માટે રોહિત શર્માએ IPLની સાથે સાથે ઈન્ટરનેશનલ સીરિઝ દરમિયાન પણ સારું પ્રદર્શન કરવું પડશે.