ક્રિકેટ / ટીમ ઈન્ડિયામાં ડેબ્યૂ બાદ ભાવુક થયો રિંકુ સિંહ: કહ્યું પૈસા નહોતા ત્યારે માએ ઉધાર લઈને મારી મદદ કરી

• ભારતીય ટીમ માટે ડેબ્યૂ સાથે જ રિંકુ સિંહનું એક સપનું પૂરું થયું 
• મારી મા એ કહ્યું કે ભારતીય ટીમ માટે રમવાનું હોય તો સખત મહેનત કર
• મારા પરિવારને ક્રિકેટના માધ્યમથી ગરીબીમાંથી બહાર લાવીશ 

Rinku Singh Team India: ઇન્ડિયન પ્રીમિયર લીગ (IPL) અને સ્થાનિક ક્રિકેટમાં શાનદાર પ્રદર્શન બાદ સ્ટાર બેટ્સમેન રિંકુ સિંહની આયરલેન્ડ સામેની ત્રણ મેચની T20I સીરિઝ માટે ભારતીય ટીમમાં પસંદગી કરવામાં આવી હતી. 18 ઓગસ્ટના રોજ રમાયેલી પહેલી મેચ વરસાદથી પ્રભાવિત થઈ હતી અને તેમાં રિંકુ સિંહને બેટિંગ કરવાની તક નહતી મળી. જો કે ભારતીય ટીમ માટે ડેબ્યૂ સાથે જ રિંકુ અને તેના પરિવારનું સપનું સાકાર થયું.

Moments like these! ☺️

All set for their debuts in international cricket and T20I cricket respectively 👍 👍

Congratulations Rinku Singh and Prasidh Krishna as they receive their caps from captain Jasprit Bumrah 👏 👏#TeamIndia | #IREvIND pic.twitter.com/JjZIoo8B8H

— BCCI (@BCCI) August 18, 2023

ભારતીય ટીમ માટે રમવાનું હોય તો સખત મહેનત કર
આ દિવસ માટે રિંકુ સિંહ અને તેના પરિવારે ખૂબ જ મહેનત કરી હતી. એક ઈન્ટરવ્યુ આપતા રિંકુએ કહ્યું કે પરિવારે તેને ઘણો સપોર્ટ કર્યો છે. તેની માતા વિશે વાત કરતા રિંકુએ કહ્યું, "માતા હંમેશા મને કહેતી કે જો તારે ભારતીય ટીમ માટે રમવાનું હોય તો સખત મહેનત કર. આજે તેનું સપનું સાકાર થયું છે. પરિવારે મારી કારકિર્દીમાં મને ઘણી મદદ કરી છે. જ્યારે પૈસા નહતા ત્યારે મારી માતા લોકો પાસેથી લોન લઈને મને મદદ કરતી હતી."

મેં મારા પરિવારમાં ગરીબી જોઈ છે.. 
રિંકુએ વધુમાં જણાવ્યું હતું કે, "હું આજે જે કંઈ પણ છું તે મારા પરિવારના કારણે છું. મેં મારા પરિવારમાં ગરીબી જોઈ છે અને હું ક્રિકેટના માધ્યમથી તેમને તે ગરીબીમાંથી બહાર લાવવા માંગતો હતો અને તે જ મને હંમેશા સખત મહેનત કરવા માટે પ્રોત્સાહિત કરતું હતું ." નોંધનીય છે કે કોલકાતા નાઈટ રાઈડર્સ માટે રિંકુએ આઈપીએલ 2023માં સૌથી વધુ 474 રન બનાવ્યા હતા.

From emotions of an India call-up to the first flight ✈️ & Training session with #TeamIndia 😃

𝗪𝗵𝗲𝗻 𝗱𝗿𝗲𝗮𝗺𝘀 𝘁𝗮𝗸𝗲 𝗳𝗹𝗶𝗴𝗵𝘁 ft. @rinkusingh235 & @jiteshsharma_ 👌👌 - By @RajalArora

Full Interview 🎥🔽 #IREvINDhttps://t.co/m4VsRCAwLk pic.twitter.com/ukLnAOFBWO

— BCCI (@BCCI) August 17, 2023

હું મારી ટીમ માટે 100 ટકા આપીશ: રિંકુ
રિંકુએ વધુમાં કહ્યું કે, "મેં પહેલું લક્ષ્ય હાંસલ કર્યું છે એટલે કે ભારતીય ટીમમાં પસંદગી પામવી. હવે અહીંથી હું મારુ 100 ટકા ટીમ માટે આપીશ અને બને ત્યાં સુધી ટીમ સાથે જોડાયેલા રહેવાનો પ્રયત્ન કરીશ. ઇન્ટરનેશનલ ક્રિકેટમાં પણ મારી મહેનત પહેલા જેવી જ રહેશે પરંતુ દબાણ થોડું વધારે રહેશે. મેં IPLમાં જે કર્યું, હું આંતરરાષ્ટ્રીય ક્રિકેટમાં પણ તે જ કરવાનો પ્રયાસ કરીશ.' જણાવી દઈએ કે રિંકુ સિંહ 23 સપ્ટેમ્બરથી ચીનના હાંગઝોઉમાં યોજાનારી એશિયન ગેમ્સ માટે પણ ભારતીય ક્રિકેટ ટીમની પસંદગી કરવામાં આવી છે.