- આજે 75મા ગણતંત્ર દિવસની ઉજવણી કરવામાં આવી રહી છે.
- આ ગણતંત્ર દિવસ મહિલા સશક્તિકરણ પર આધારિત છે.
- પ્રજાસત્તાક દિવસ અનેક રીતે ખાસ બનવાનો છે.
આજે 75મા ગણતંત્ર દિવસની ઉજવણી કરવામાં આવી રહી છે અને રાષ્ટ્રપતિ દ્રૌપદી મુર્મુ બીજી વખત રાજપથ પર તિરંગો ફરકાવશે. ફ્રાન્સના રાષ્ટ્રપતિ ઈમેન્યુઅલ મેક્રોન મુખ્ય અતિથિ છે, સાથે જ 13 હજાર ખાસ મહેમાનો પણ આવશે. આ વખતે ગણતંત્ર દિવસની થીમ 'વિકસિત ભારત' અને ભારત - લોકશાહીની માતા છે.
આ વખતે પ્રજાસત્તાક દિવસનો માત્ર એક નહીં પરંતુ અનેક રીતે ખાસ બનવાનો છે. આ વર્ષનો ગણતંત્ર દિવસ મહિલા સશક્તિકરણ પર આધારિત છે. આ પ્રથમ વખત છે જ્યારે તમામ મહિલાઓની મોટી ટુકડી પ્રજાસત્તાક પર કૂચ કરશે. આ વર્ષે પરેડથી લઈને 26મી જાન્યુઆરીની થીમ અને ઝાંકી સુધી બધું જ મહિલાઓ પર કેન્દ્રિત છે.
આ વખતની પરેડમાં નવું શું છે?
મહિલા-આધારિત પ્રજાસત્તાક દિવસની થીમ હેઠળ, પરેડમાં પ્રથમ વખત કર્તવ્ય પથ પર કૂચ કરતી મહિલાઓની ત્રિ-સેવા ટુકડી પણ જોવા મળશે. જેમાં કેપ્ટન શરણ્ય રાવ આર્મી ટુકડીનું નેતૃત્વ કરશે. શરણ્યા રાવ હાલમાં ભારતીય સેનામાં લેફ્ટનન્ટ તરીકે તૈનાત છે.
આ પરેડ આજે સવારે લગભગ 10:30 વાગ્યે શરુ થશે અને આશરે 90 મિનિટ સુધી ચાલશે. આ પરેડમાં 100 મહિલાઓ પરંપરાગત સંગીત સાથે શરૂઆત કરશે અને 1500 મહિલાઓ તેમના પરંપરાગત પોશાકમાં લોકનૃત્યો રજૂ કરશે.
પરેડની અન્ય વિશેષતાઓ વિશે વાત કરીએ તો, પ્રથમ વખત ત્રણેય સેવાઓની મહિલા ટુકડી પણ કૂચ કરશે. આ વખતની પરેડમાં મહિલા ફાઈટર પાઈલટને પણ સામેલ કરવામાં આવી છે. આ પરેડમાં 48 મહિલા અગ્નિવીર પણ ભાગ લઈ રહી છે. ભારતીય સેનાની એક મહિલા આર્ટિલરી ઓફિસર પણ પ્રથમ વખત ડ્યુટી પર જોવા મળશે. સાથે જ આર્મી, નેવી અને એરફોર્સની મહિલાઓની ટુકડી માર્ચ કરશે અને CAPFની માર્ચિંગ ટુકડીમાં માત્ર મહિલાઓ જ હશે.
વધુ વાંચો: કર્તવ્ય પથ પર દેખાશે ભારતનો દમખમ, ત્રણેય સેનાના કદમતાલ સાથે સાંસ્કૃતિક ઝાંખીઓ જમાવશે આકર્ષણ, જાણો પરેડમાં શું ખાસ
આ વખતે કેટલા રાજ્યોની ઝાંખીઓ જોવ મળશે?
પરેડમાં 16 રાજ્યો અને કેન્દ્રશાસિત પ્રદેશોની ઝાંખી બતાવવામાં આવશે. આ રાજ્યો ઉત્તર પ્રદેશ, અરુણાચલ પ્રદેશ, હરિયાણા, મણિપુર, મધ્ય પ્રદેશ, ઓડિશા, છત્તીસગઢ, રાજસ્થાન, મહારાષ્ટ્ર, આંધ્ર પ્રદેશ, લદ્દાખ, તમિલનાડુ, ગુજરાત, મેઘાલય, ઝારખંડ અને તેલંગાણા છે.
