જ્યોતિષ / જો કુંડળીમાં હોય મંગળદોષ તો, લગ્ન પહેલા જ કરી લો આ ઉપાય, નહીં તો છૂટાછેડા લેવાનો આવશે વારો

• જ્યોતિષ શાસ્ત્રમાં મંગળ દોષ માટે સૂચવ્યા છે ઉપાય
• લગ્ન પહેલા કરી લેવો જોઇએ મંગળ દોષ દૂર
• નહીં તો આ દાંમ્પત્ય જીવનમાં આવે છે મુશ્કેલી 

જ્યોતિષ શાસ્ત્ર અનુસાર સુખી દામ્પત્ય જીવન માટે વ્યક્તિનું માંગલિક દોષથી મુક્ત હોવું જરૂરી છે. ઘણી વખત જીવનસાથી સાથે સારી સમજણ હોવા છતાં લગ્ન તૂટી જાય છે અથવા બંને વચ્ચે ઝઘડા  થાય છે. આવી સ્થિતિમાં વ્યક્તિની કુંડળીમાં માંગલિક દોષ કારણ બને છે. જ્યોતિષ શાસ્ત્ર અનુસાર કુંડળીમાં પ્રથમ, ચોથા અને સાતમા સ્થાનમાં મંગળની હાજરી માંગલિક દોષ ઉત્પન્ન કરે છે. આ દોષના કારણે વ્યક્તિના વિવાહિત જીવનમાં સંઘર્ષ અને ગેરસમજ પેદા થાય છે. જેના કારણે લગ્નજીવનમાં સમસ્યા સર્જાય છે.

લગ્ન પહેલા ઉપાય કરો

મંગલ દોષની ગણતરી ખતરનાક દોષોમાં થાય છે કારણ કે જો સમયસર તેનો ઉપાય કરવામાં ન આવે તો તે લગ્નમાં વિલંબ, અશાંતિ અને છૂટાછેડાનું કારણ બને છે. માંગલિક દોષથી પીડિત લોકો તેમના જીવનમાં તણાવ, દુઃખ અને સમસ્યાઓ સર્જે છે. જો સમયસર તેની ઓળખ ન થાય તો પછીથી જ્યોતિષીય ઉપાયો કરી શકાતા નથી. આવી સ્થિતિમાં, તમારા લગ્ન જીવનને બચાવવા માટે જ્યોતિષીય ઉપાયો જરૂરી છે.

મંગળ દોષને દૂર કરવા કરો આટલા ઉપાય

જ્યોતિષ શાસ્ત્રમાં માંગિલક દોષથી છુટકારો મેળવવા માટે મંગલ ચંડિકાનો પાઠ કરવામાં આવે છે. તેમજ જેને પણ મંગળ હોય છે તેને કુંભ વિવાહ કરાવવામાં આવે છે.  ત્યારે જો મંગળદોષથી મુક્તિ મેળવવી હોય તો દર મંગળવારે નિયમિત રીતે હનુમાન ચાલીસાનો પાઠ કરો.  એવું માનવામાં આવે છે કે દર મહિનાના શુક્લ પક્ષના મંગળવારે મંગલ મંત્ર અને માત્ર તુવેરની દાળ ખાવાથી મંગલ દોષ દૂર થાય છે. મંગલ દોષની અસરોને દૂર કરવા માટે સર્વશક્તિમાન અને ગાયત્રી મંત્રનો નિયમિત 108 વાર જાપ કરવાની સલાહ આપવામાં આવે છે.